आशाताई बच्छाव
आदर्श शिक्षक संपतराव कासोद यांचे 93 व्या वर्षी निधन
जिल्हा प्रतिनीधी जालना-वसंतराव देशमुख
दिनांक 13/04/2024
याविषयी सविस्तर माहिती अशी की,माहोरा येथील आदर्श शिक्षक माजी मुख्याध्यापक कै. संपतराव गोविंदराव कासोद यांचे दिनांक 12 एप्रिल रोजी सकाळी दहा वाजेच्या दरम्यान दुःखत निधन झाले. मृत्यू समई त्यांचे वय 93 वर्ष होते.शिक्षणाच्या बाबतीत अत्यंत कडक व शिस्तप्रिय शिक्षक म्हणून त्यांची ओळख होती.तसेच शिस्तीच्या बाबतीत सुध्दा शिस्तप्रिय म्हणून जाफराबाद तालुक्यातून व माहोरा परिसरातून त्यांचा नावलौकिक आहे. त्यांच्या जाण्याने जाफराबाद तालुक्यातून तसेच माहोरा परिसरातून हळहळ व्यक्त होत आहे. त्यांना तीन मुले, दोन मुली ,सूना , नातवंड असा मोठा परिवार असून त्यांनी आपल्या मुलांना उच्च शिक्षित केले. दिलीप संपतराव कासोद वकील, रवींद्र संपतराव कासोद डॉक्टर, प्रदीप संपतराव कासोद डॉक्टर यांचे ते वडील होते. दुपारी चार वाजता त्यांच्या शेतात त्यांच्यावर अंत्यसंस्कार करण्यात आले. यावेळी उपस्थित केंद्रीय रेल्वे राज्यमंत्री खा. रावसाहेब पाटील दानवे, आमदार संतोष पाटील दानवे, माजी आमदार चंद्रकांत पाटील दानवे, पत्रकार तथा अखिल भारतीय युवा मराठा महासंघाचे विभागीय उपाध्यक्ष श्री मुरलीधर डहाके यांच्यासह शैक्षणिक , वैद्यकीय, सामाजिक, सर्व राजकीय, पत्रकार, मित्र व नातेवाईक बाबांना अंत्यसंस्कार साठी व शेवटचा निरोप देण्यासाठी उपास्थित होते. बाबाच्या जाण्याने जाफराबाद व माहोरा परिसरातून हळहळ व्यक्त होत आहे.
