आशाताई बच्छाव
कामगार नेते मनोज कोलते पाटील जालना लोकसभा निवडणुकीच्या रिंगणात.
जिल्हा प्रतिनिधी जालना-वसंतराव देशमुख
दिनांक 13/04/2024
याविषयी सविस्तर माहिती अशी की, देशात लोकसभा निवडणुका जाहीर झाल्या आहेत.या निवडणुकीच्या पार्श्वभूमीवर अनेक नेते निवडणूक लढविण्यास इच्छुक असल्याचे बोलले जात आहे.यातच जालना लोकसभा मतदारसंघासाठी परंपरागत उमेदवार न देता नवीन उमेदवार देण्याची मागणी जालना लोकसभा मतदारसंघातील मतदारांनी केली असून मतदार नवीन उमेदवाराच्या प्रतिक्षेत असतांनाच नवीन उमेदवार म्हणून कामगार नेते मनोज पाटील कोलते यांनी जालना लोकसभा मतदारसंघातून निवडणूक लढविण्याचा निर्णय घेतला असून त्यांच्या या निर्णयाचे शहरी व ग्रामीण भागातुंन स्वागत करण्यात आले आहे.जालना शहरातील व स्थानिक उमेदवार या मुद्द्यावर मनोज कोलते पाटील यांचा सहानुभूतीपूर्वक विचार केला जाईल अशी चर्चा जालना शहरात होतांना दिसत आहे.
मनोज कोलते पाटील यांच्याकडे कामगार संघटना भक्कम असल्याने व नविन चेहरा असल्याने तसेच कामगारांना वेळोवेळी मदत करुन कामगारांवर अन्याय होत असल्यास संकटसमयी त्यांच्यासाठी नेहमीच धाऊन येणारा कार्यकर्ता म्हणून मनोज कोलते पाटील यांची ओळख आहे.त्यांच्या या ओळखीचा फार मोठा फायदा त्यांना या निवडणुकीत होणार असल्याची चर्चा शहरी व ग्रामीण भागात जोर धरू लागली आहे.मनोज कोलते गरिब व सर्वसामान्य कुटुंबातील असुन शेतकरी व कष्टकरी, मजुरांच्या कष्टाची जाण असणारा कार्यकर्ता म्हणून नावारूपास आलेला उमेदवार असल्याने त्यांना बहुमताने विजयी करण्याचे काम आम्ही करणार असल्याचे मतदारांनी स्पष्ट केले आहे.मराठा उमेदवार व कामगार नेते म्हणून नावारूपास आलेले मनोज कोलते यांना सर्वच जाती धर्मातील मतदारांनी विजयी करण्याचा निर्णय घेतला असल्याचे सांगितले जात आहे.
