आशाताई बच्छाव
केज येथे झालेल्या अपघातात परळीतील एक महिला ठार
मोहन चव्हाण
ब्युरो चीफ बीड जिल्हा
बीड/केज दि: १४ शहरातील छत्रपती शिवाजी महाराज चौक पासून जवळच काही अंतरावर कळंब रोड केज येथे चिंचोलीमाळी या गावावरून पॅसेंजर घेऊन आलेला अपे रिक्षा अचानक पलटी होऊन घडलेल्या अपघातात परळीतील एक महिला जागीच ठार झाली, असून एक गंभीर जखमी झाल्याची घटना शनिवारी दुपारी घडली आहे. सविस्तर माहिती अशी की, कमलबाई विठू शिंदे (वय ६० वर्षे). रा. परळी वैजनाथ असे अपघातात मयत झालेल्या महिलेचे नाव आहे. कमलबाई या बहिणीच्या पतीचे निधन झाल्याने राखसावण्याच्या विधीसाठी परळी येथून केज तालुक्यातील चिंचोलीमाळी या गावी आल्या होत्या. राखसावडण्याचा विधी झाल्यानंतर त्या परळी कडे जाण्यासाठी चिंचोलीमाळी येथून ॲपे रिक्षामध्ये बसून केज पर्यंत येत होत्या. हा अपेरिक्षा केज शहरातील छत्रपती शिवाजी महाराज चौकापासून जवळच काही अंतरावर आला असता अचानक पलटी झाला. ॲपे रिक्षा पलटी होताच कमलबाई विठू शिंदे यांच्या डोक्याला जबर मार लागल्याने त्यांना प्रत्यक्ष पाहणाऱ्या नागरिकांनी तातडीने उपजिल्हा रुग्णालयात उपचारासाठी दाखल केले. परंतु मोठ्या प्रमाणात रक्तस्त्राव झाल्यामुळे त्यांच्या मृत्यू झाल्याचे डॉक्टरांनी सांगितले. यांच्यासह आणखी एक जण गंभीर जखमी असून त्याचे नाव मात्र समजू शकले नाही.