आशाताई बच्छाव
संग्रामपूर भाजपा वैद्यकीय आघाडी संग्रामपूर तालुकाध्यक्षपदी डॉ.अमोल धुर्डे
(ब्युरो चीफ बुलढाणा) संग्रामपूर : भारतीय जनता पार्टीच्या वैद्यकीय आघाडी संग्रामपूर तालुका अध्यक्षपदी वरवट बकाल येथील आई चिल्ड्रन्स हॉस्पिटलचे संचालक, सुप्रसिद्ध बालरोगतज्ज्ञ डॉ.अमोल संपतराव धुर्डे यांची नियुक्ती करण्यात आली आहे.
मतदारसंघाचे भाजपा आमदार डॉ.संजय कुटे यांच्याहस्ते नुकतेच याबाबतचे नियुक्ती पत्र डॉ.धुर्डे यांना दिले आहे. डॉ.अमोल धुर्डे मूळचे जामोद गावचे असून ते अनेक वर्षापासून राजकारणात सक्रीय आहेत.
त्यांच्याकडे जळगांव जामोद भाजप तालुका कोषाध्यक्ष पदाचीही जबाबदारी आहे.
वैद्यकीय सेवा करतांना संग्रामपूर तालुक्यातही त्यांचा दांडगा जनसंपर्क असल्याने त्यांच्यावर वैद्यकीय आघाडीच्या तालुका अध्यक्षपदाची आणखी एक महत्त्वपूर्ण जबाबदारी देण्यात आल्याचे बोललं जात असुन त्यांच्या या नियुक्तीने सर्व स्तरावरून त्यांच्यावर अभिनंदनाचा वर्षाव होत आहे.
