आशाताई बच्छाव
समाजसेवक मांगीलाल पुरोहित यांनी ३ एकर जमीन केली दान
मुंबई.:-युवा मराठा प्रतिनिधी विजय पवार. समाजामध्ये दानधर्म फक्त भाषणातून, पुस्तकातून शिल्लक राहिला असल्याचे आढळून येते. जिथे वडिलोपार्जितच्या जमिनीसाठी खून,वाद होत असतात अशाच युगामध्ये दादर येथील कबुतरखान्याजवळ वात्सव्य करणारे पंडीत मांगीलाल पुरोहित यांनी दानधर्माचा आदर्श घालून दिला.
राजस्थान येतील बाली जिल्हातील बारवा गावातील गौसेवार्थ लक्ष्मीनारायण सेवा समितीचा गायींचा तबेला चालवणाऱ्यानी पाण्याच्या कमतरतेमुळे श्री. मांगीलाल पुरोहित यांना थोडी जमीन देण्याची विनंती केली. त्यावेळी त्यांनी तेथील परिस्थिती पाहून आपल्या मालकीची ३ एकर जमीन या तबेला सेवा समितीला दान म्हणून दिली. एवढेच नसून तबेलाच्या बांधकामासाठी ११ हजार रुपये मदत सुद्धा केली. श्री. मांगीलाल पुरोहितांनी दाखवल्या औदार्याचे सगळीकडून कौतुक होते आहे. त्यांच्या समाजकार्याचा सन्मान म्हणून दादरचे स्थानिक आमदार श्री. कालिदास कोळंबकर व भाजप जिल्हा उपाध्यक्ष जितेंद्र कांबळे यांनी त्यांचा नागरी सत्कार घेऊन त्यांना सन्मानित केले .
