आशाताई बच्छाव
जिजामाता उद्यानातील मूर्तींना महाशिवरात्री निमित्त रंगरंगोटी करावी
मोहन चव्हाण
ब्युरो चीफ बीड जिल्हा
बीड/परळी दि: ०२ महाशिवरात्री उत्सवनिमित्त परळी शहरातील जिजामाता उद्यान येथील प्रभू श्री. महादेव व माँसाहेब जिजामाता मूर्तींना महाशिवरात्री उत्सवनिमित्त रंगरंगोटी करून परिसर सुशोभित करावा अशी मागणी जिजामाता गार्डन हेल्थ क्लब व शिवभक्तांनी परळी नगर परिषदेकडे एका निवेदनाद्वारे केली आहे.
याबाबत नगर परिषदेस दिलेल्या निवेदनास म्हटले आहे की, महाशिवरात्रि उत्सव अवघ्या काही दिवसांवर येऊन ठेपला असून परळी शहरातील एकमेव जिजामाता गार्डन असून येते प्रभू श्री. महादेव व माँसाहेब जिजामाता यांची पूर्णाकृती मूर्ती आहे. या दोन्ही मूर्तींचा रंग गेल्या दोन वर्षापासून मूर्तींना रंग न दिल्याने पुसट झाला आहे. महाशिवरात्री असल्याने बाहेरगावाहुन येणारे लाखो भाविक गार्डनला भेट देत असतात. त्यामुळे परळी नगर परिषदेने लवकरात लवकर दोन्ही मूर्तींना रंगरंगोटी करून परिसर स्वच्छ व सुशोभित करावा. अशीही मागणी या निवेदनाद्वारे जिजामाता गार्डन हेल्थ क्लबचे अध्यक्ष, सचिव व सर्व सदस्य तसेच तमाम शिवभक्तांनी केली आहे.
