आशाताई बच्छाव
युवकाने केला आई-मुलीवर धारदार शस्त्राने प्राणघातक हल्ला.
तुमसर शहरातील दुर्गा नगरातील घटना.
संजीव भांबोरे
भंडारा (जिल्हा प्रतिनिधी)-घरात बसलेल्या महिलेवर व तिच्या अल्पवयीन मुलीवर एका युवकाने अचानक घरात प्रवेश करुन धारदार शस्त्राने महिलेच्या मानेवर व अल्पवयीन मुलीच्या पायावर जोरदार हल्ला चढवित प्राणघातक हल्ला केल्याची घटना. शुक्रवारी दुपारी दिड वाजता दरम्यान तुमसर शहरातील दुर्गा नगरांत घडली.सिमा धनंजय उके (४५) व १७ वर्षीय मुलगी रा. दुर्गा नगर तुमसर असे प्राणघातक हल्ल्यात जखमी झालेल्या आई-लेकीचे नाव आहे.विश्वास चंद्रिकापुरे (२५) रा.कुभांरे नगर तुमसर असे फरार आरोपी युवकाचे नाव आहे.घटनेच्या दिवशी दुपारी दिड वाजता दरम्यान स्वत:च्या घरी आई व मुलगी घरी बसली असता़ना अचानक आरोपीने जखमींच्या घरी प्रवेश करून धारदार शस्त्राने महिलेच्या मानेवर व अल्पवयीन मुलींच्या पायावर चाकूने हल्ला चढविला असता आई व मुलीने घरा बाहेर पळ काढत आरडा ओरड केली.व लगतच्या घरी जात आपला जिव वाचविण्याचा प्रयत्न केला. दरम्यान सदर घटनेची माहिती होताच घटनास्थळी नागरीकांची गर्दी झाली होती. व जखमींना भंडारा येथिल जिल्हा सामान्य रुग्णालयात उपचारार्थ दाखल करण्यात आले आहे. सध्या आईवर जिल्हा सामान्य रुग्णालयात उपचार सुरू आहे.तर अल्पवयीन मुलीला सुट्टी देण्यात आली.अशी माहिती आहे.जखमीं सिमा उके ची प्रकृती सध्या धोक्याबाहेर असल्याची माहिती समोर आली आहे. प्राणघातक हल्ला करणारा आरोपी विश्वास चंद्रिकापुरे हा हल्ला करुन घटनास्थळावरुन पसार झाला आहे. आरोपी हा जखमींच्या घरी दुचाकीने आला होता अशी माहिती आहे.तर हल्ला करुन स्वत: च्या घरी जाऊन एका चार चाकी ओमीनी वाहनाने पसार झाल्याचे वृत्त आहे. वृत्त लिहोस्तर आरोपी युवकाला अटक करण्यात आली नव्हती.आरोपीच्या मागावर तुमसर पोलीस रवाना झाले आहेत.
सदर हल्ला प्रेमप्रकरणातून झाला असल्याच्या चर्चा आहेत.
सदर घटनेची माहिती मिळताच घटनास्थळी उपविभागीय पोलिस अधिकारी रश्मिता राव, पोलिस निरीक्षक निलेश ब्राम्हणे, यांच्या मार्गदर्शनाखाली पोलीस उपनिरीक्षक विजय पंचबुधे,गिते,जयसिंग लिल्हारे,व तुमसर पोलीस करीत आहेत.
