आशाताई बच्छाव
माहोरा येथे अयोध्या येथील श्री राम मंदीर स्थापन दीना निमीत्त पालखी सोहळा. जालना,(दिलीप बोंडे ब्युरो चीफ) माहोरा येथील सरपंच गजानन पाटील लहाने आणि गावकरी मंडळी याच्या संयुक्त विद्यमाने श्री राम मंदिर स्थापन दीना निमीत्त पालखी सोहळ्यात आयोजन केले. गावकरी मंडळीनी गावात प्रत्येक घरासमोर रांगोळी काढण्यात आल्या होत्या. पालखी सोहळा मारोती मंदिरा समोरुण सुरुवात करण्यात आली पालखी सोबत भजनी मंडळ सुध्दा होती त्यात महिलांचा सहभाग मोठ्या प्रमाणात होता त्यांनी भजन , भारूड, फुगडी असे आपल्या कृतीतून सादर केले त्यानंतर प्रत्येक घरासमोर पालखीची महिलांनी श्रीराम मूर्तीचे पूजन करुन दर्शन घेतले . त्यानंतर पालखी शिवाजी चौकात आल्या नंतर शिवाजी महाराज यांच्या प्रतिमेचे पूजन करण्यात आले. त्यावेळी उपस्थितांनी जय शिवाजी जय शिवराय आणि जय श्रीराम च्या घोषणांनी परिसर दणाणून सोडला. यावेळी गावातील आणि परिसरातील मंडळींनी मोठ्या संख्येने उपस्थित होते त्यात महिला सुध्दा मोठ्या संख्येने उपस्थित होत्या… तसेच जाफराबाद पोलीस स्टेशनचे ठाणेदार मदन साहेब आणि त्याचे सहकारी बीट जमादार गावंढे साहेब गवई साहेब यांनी चोख पोलीस बंदोबस्त ठेऊन शांततेत पालखी सोहळा पार पडला. त्यावेळी माहोरा गावच्या वतीने ठाणेदार मदन साहेब यांचे जेष्ठ नागरिक वामनराव लहाने यांनी हार देउन स्वागत केले.सोबत गावातील वरिष्ठ मंडळी मोठ्या प्रमाणात होती. पालखीचा समारोप राम मंदिर म्हसरूळ रोड माहोरा येथे श्री रामांची आरती घेऊन आणि प्रसादाचे वाटप करून पालखी सोहळ्याचा समारोप करण्यात आला.
