आशाताई बच्छाव
राष्ट्रीय क्रीडा सप्ताहास उत्साहात सुरूवात
जिल्हा क्रीडा अधिकारी कार्यालयाच्या वतीने आयोजन
जालना/, दिलीप बोंडे- क्रीडा व युवक सेवा संचालनालय, महाराष्ट्र राज्य पुणे अधिनस्त जिल्हा क्रीडा अधिकारी कार्यालय तथा जिल्हा क्रीडा परीषद जालना यांच्या वतीने दि. 12 ते 18 डिसेंबर 2023 दरम्यान राष्ट्रीय क्रीडा सप्ताहाचे आयोजन करण्यात आलेले आहे. सदर सप्ताहाचे उद्धाटन आज रोजी जिल्हा क्रीडा संकुल येथील मल्टीपर्पज हॉल येथे सपन्न झाला. कार्यक्रमाच्या अध्यक्षस्थानी फेंटबॉल असोसिएशन ऑफ इंडीयाचे निरीक्षक शेख अहेमद तर प्रमुख पाहुणे म्हणुन जि.प. निवासी क्रीडा प्रबोधीनीचे संचालक प्रमोद खरात, जिल्हा क्रीडा संघटक शेख चाँद पी.जे., तलवारबाजी असोसिएशनचे सचिव विजय गाडेकर, भरती पुर्व प्रशिक्षक केंद्राचे लक्ष्मीकांत पैजंणे, सुरज जाधव, संदिप जाधव, पवन दांडगे, जितेंद्र पटेकर, प्रशिक्षक शेख ईस्माईल, क्रीडा कार्यालयाचे संतोष प्रसाद यांची उपस्थिती होती.
कार्यक्रमाची सुरूवात हॉकीचे जादुगर मेजर ध्यानचंद यांच्या प्रतिमेस पुष्पहार अर्पण करून करण्यात आली. यावेळी उपस्थित सर्व मान्यवरांचा क्रीडा कार्यालयाच्या वतीने सत्कार करण्यात आला. याप्रसंगी जिल्हा क्रीडा अधिकारी अरविंद विद्यागर यांची उपस्थित खेळाडुंना शुभेच्छा दिल्या तसेच प्रमोद खरात, शेख चाँद पी.जे., विजय गाडेकर यांची समयानुरूप भाषणे झाली. कार्यक्रमाचे सुत्र संचालन क्रीडा अधिकारी डॉ. रेखा परदेसी यांनी तर आभार प्रदर्शन राहुल गायके यांनी केले.
कार्यक्रम यशस्वी करण्यासाठी जिल्हा क्रीडा अधिकारी अरविंद विद्यागर यांच्या मार्गदर्शनाखाली व क्रीडा अधिकारी डॉ. रेखा परदेसी यांच्या नेतृत्वाखाली संतोष प्रसाद, शेख हारूण, राहुल गायके, समाधान खुराट यांनी परिश्रम घेतले.
