आशाताई बच्छाव
जालना नगर परिषदेने व्दारकानगरात नागरी सुविधा द्याव्यात, अन्यथा उपोषण
व्दारकानगर वासियांचे निवेदन
जालना/दिलीप बोंडे ब्युरो चीफ
जालना शहरातील नवीन मोंढ्याजवळील वार्ड क्रं. 1 व्दारकानगरमध्ये मंजुर सी.सी. रस्ता ,भुमिगत नालीचे बांधकाम, साफसफाई, विद्युत पथदिवे व नवीन पाणीपुरवठा पाईपलाईन सुरू करून, पाणीपुरवठा सुरूळीत करावा अन्यथा लोकशाही मार्गाने जिल्हाधिकारी कार्यालयासमोर उपोषण करण्याचा इशारा व्दारकानगर वासियांनी दिला आहे.
याबाबत मुख्याधिकारी संतोष खांडेकर यांना दिलेल्या निवेदनात म्हटले की, जालना शहरातील नवीन मोंढ्याजवळील वार्ड क्रमांक 1 व्दारकानगर हा भाग आहे. या व्दारकानगरात अद्यापपर्यंत जालना नगर परिषेदकडून कोणत्याही नागरी सुविधा पुरविण्यात आल्या नाहीत. वेळोवेळी मागणी करूनही नागरी सुविधेकडे नगर परिषदेने दुर्लक्ष केले. व्दारकानगरात प्रवेश करतांनाचा पुलही ढासळला आहे. यामुळे पावसात पुर येवून जाता-येतांना मोठी दुर्घटना घडू शकते. नवीन मोंढ्याजवळील वार्ड क्रं. 1 व्दारकानगरमध्ये मंजुर सी.सी. रस्ता व भुमिगत नालीचे बांधकामासाठी 65 लक्ष रूपयांचा निधी मा. ना. रेल्वेमंत्री रावसाहेब पा. दानवे यांनी मंजुर करून आणला आहे. मात्र अद्यापपर्यंत याचे काम सुरू झाले नाही.
सद्या पावसाळ्याचे दिवस आहे. पाऊस झाल्यामुळे रस्त्यावर चिखल होतो व यामुळे नागरिकांना ये- जा करतांना त्रास सहन करावा लागत आहे. तसेच नगर परिषदेचे विद्युत खांबावर पथदिवे नाही यामुळे परिसरात सतत अंधेरा राहतो. चोर्या-चपाट्यांचे प्रमाणही वाढले आहे. तसेच या भागात साफसफाई होत नसून, कचर्याचे ढिग आहे. येत्या 8 दिवसात जालना नगर परिषदेने नागरी सुविधा न पुरविल्यास उपोषण करण्याचा इशारा देण्यात आला. या निवेदनावर प्रविण बबनराव शिंदे, भाऊसाहेब बोबडे, देवराव पवार, संजय वरकड, राजु जोगदंड,
