आशाताई बच्छाव
लोहगावात माहिती सेवा समिती करणार एकदिवसीय लाक्षणिक उपोषण.
लोहगाव,प्रतिनिधी धनराज खांदवे : –लोहगाव-वाघोली रस्त्यावर संतनगर परिसरात सार्वजनिक बांधकाम खात्याअंतर्गत कळस-लोहगाव-वाघोली-केसनंद या रा.मा.६८ चे काम सुरु आहे. या कामाचा दर्जा निकृष्ट असल्याचे, तसेच मंजुर अंदाजपत्रकानुसार काम न झाल्याची तक्रार माहिती सेवा समितीचे सागर शिवाजी खांदवे यांनी सार्वजनिक बांधकाम विभागाकडे केली होती.
खांदवे यांच्या म्हणण्यानुसार इंडियन अॉईल पेट्रोल पंप ते दादाची वस्ती नजीक रस्त्याचे काँक्रिटीकरण पुर्ण झालेले असून त्याला काही ठिकाणी तडे गेलेले आहेत. तसेच या रस्त्यावर काम पुर्ण होण्याआधी खड्डेही पडलेले आहेत. अशा निकृष्ट दर्जाच्या कामामुळे वारंवार रस्त्याची दुरावस्था होण्याचे प्रमाण अधिक आहे. त्यामुळे सार्वजनिक बांधकाम खात्याने याबाबत योग्य ती कारवाई करावी अशी मागणी त्यांनी केली होती. त्यावर कार्यवाही न झाल्याने, माहिती सेवा समितीच्यावतिने सोमवारी दि.१९/०६/२०२३ रोजी एक दिवसीय लाक्षणिक उपोषण केले.
यासंदर्भात नुकतेच कार्यासन अधिकारी सुरुची बदले यांनी चौकशीचे आदेश दिले आहेत. मात्र तरीही माहिती सेवा समिती एकदिवसीय लाक्षणिक उपोषण केले आहे. दरम्यान यासंदर्भात सार्वजनिक बांधकाम विभागाच्या सहाय्यक अभियंता जान्हवी रोडे यांच्याशी संपर्क साधला असता, त्यांनी या आरोपांचे खंडन केलेले असून रस्त्याचे काम मंजुर अंदाजपत्रकानुसारच झालेले असल्याचे सांगितले. याबाबत खांदवे यांची प्रतिक्रिया विचारली असता, हा लढा कोण्या व्यक्ती विरोधात नसून समाजहिताचा असल्याचे मत त्यांनी व्यक्त केले; तसेच वेळ पडल्यास न्यायालयीन लढा देणार असल्याचेही नमूद केले.
