आशाताई बच्छाव
खेड तालुक्यात वादळी वारा, गारपीट; पावसाने दाना दान,
पुणे,(मयुर चव्हाण प्रतिनिधी युवा मराठा न्युज नेटवर्क) -खेड तालुक्यात दुपारपासून उन्हाच्या झळ्या कमी झाल्या होत्या पण ढगाळ वातावरणामुळे उकाडा जाणवत होता अखेर सोमवारी दिनांक 29 मे रोजी संध्याकाळी पाच वाजण्याच्या सुमारास खेड तालुक्यात ठीक ठिकाणी व चाकण पंचक्रोशीत पावसाने दमदार हजेरी लावली. कुरूळी आणि चाकण मधील दावड मळा भागात गारांसह पावसाने झोडपून काढले सोमवारी सायंकाळी पावसाने सोसाट्याचा वारा गारपीट विजांच्या कडकडात हजेरी लावली अचानक आलेल्या पावसाने सर्वांची दाणादाण उडाली उकाड्याने हैराण झालेल्या नागरिकांना या पावसाने दिलासा मिळाला आहे अनेक भागात पावसाने दाना दान केल्याच्या तक्रारी शेतकऱ्यांनी केले आहेत खेड तालुक्यातील कोयाळी येथे झाडावर वीज कोसळल्याची बाब समोर आली आहे. कोयाळी येथील दिघे भाडाळे वस्ती येथे झाडावर वीज कोसळल्याने झाडाने पेट घेतला, चाकण जवळील राक्षेवाडी येथील श्री दत्त मंदिर परिसरात सुरेश लक्ष्मण राक्षे यांच्या घरासमोर रस्त्यावर झाड पडून राक्षेवाडी रोड बंद झाला होता, चाकण मधील दावडमाळा भागात गारांसह जोरदार पाऊस कोसळला उरुळी परिसरात वादळी वाऱ्यासह गारपीट व पावसाने जोडपून काढले, लगतच्या पंचक्रोशीत त्याचप्रमाणे कुरळी मोई परिसरात वीज पुरवठा रात्री उशिरापर्यंत खंडित झाला होता, सुमारे दीड तास पावसाने या परिसराला झोडपून काढले.
