राजेंद्र पाटील राऊत
भाग्यवान व-हाणेकरांच्या नशिबी दोन -दोन ग्रामसेवक? कागदोपत्री लबाडीचे कारस्थान!!
राजेंद्र पाटील -राऊत
मालेगांव- नाशिक जिल्ह्यातील मालेगांव तालुक्याच्या व-हाणे गावात दोन दोन ग्रामसेवक कार्यरत धक्कादायक कारभार चव्हाटयावर आला असून,त्याबाबत आज गटविकास अधिकाऱ्यांकडे लेखी तक्रार दाखल करुन चौकशीची मागणी करण्यात आली आहे. याबाबत सविस्तर माहिती अशी की,व-हाणे गावात आज रोजी ग्रामसेविका श्रीमती सुवर्णा सांळुखे याच कार्यरत असून,माहे आँक्टोबर २०२२ पासून काही काळासाठी त्यांना रजेवर पाठविले असल्याची चर्चा असतानाच,आता मात्र ग्रामसेविका सुवर्णा सांळुखे यांची मुख्यालयात अर्थात पंचायत समितीत नेमणूक असल्याचे सांगितले जात असले तरी प्रत्यक्षात श्रीमती सुवर्णा सांळुखे या पंचायत समितीत कधीही दिसून आलेल्या नाहीत किंवा उपस्थित नसतात.एका अधिकाऱ्याने नाव न छापण्याच्या अटीवर सांगितले की,सुवर्णा सांळुखे या व-हाणे येथेच कार्यरत आहेत.मग त्यांचे जागेवर नोकरी करणारे हेमंत शिरसाठ हे व-हाणे गावी कोणत्याही लेखी आदेशाशिवाय कुणाच्या आशिर्वादाने काम करीत आहेत.? हेमंत शिरसाठ यांची व-हाणे गावासाठी शासकीय पातळीवर अधिकृतरित्या नेमणूकच नसल्यामुळे त्यांनी व-हाणे गावात कोणाच्या संगनमताने १५ नोव्हेंबर २०२२ रोजी ग्रामसभा घेतली.जर शिरसाठ यांची व–हाणे गावात नेमणूकच नाही तर मग बेकायदेशीर ग्रामसभा घेऊन खोटया स्वरुपाचे कागदपत्रे बनविण्याचा अनैतिक अधिकार शिरसाठ यांना कुणी दिला? सगळ्याच बाबतीत कागदोपत्री खोटेपणा करणाऱ्या व-हाणे ग्रामपंचायत प्रशासनाचा आणखी हा एक लबाडीचा कारनामा चव्हाट्यावर आला आहे.यापूर्वी सुवर्णा सांळुखे कार्यांकाळात ग्रामसभेच्या प्रोसिंडीगवर खोटया सहया करण्याचे प्रकरण ताजे असतानाच आता व-हाणे ग्रामपंचायतीला शिरसाठ यांची अधिकृतपणे नेमणूक नसताना शासकीय दस्त व बनावट कागदपत्रे बनविण्याचा नैतिक अधिकार या ग्रामसेवकांना कुणी दिला? एक तर ग्रामसेवक सुवर्णा सांळुखे ह्याच जर व-हाणेत कार्यरत आहेत,तर मग हेमंत शिरसाठ यांना कागदोपत्री लुडबूड करण्याचा नैतिक अधिकार आहे का?त्यासाठी कोणत्या वरिष्ठ अधिकाऱ्यांचे नेमणूकीचे लेखी आदेश शिरसाठ यांना आहेत.याचाही खरे तर आता पंचनामा होईल,व खोटया कागदपत्रांच्या कारनाम्यात सहभागी असलेल्या शिरसाठ यांनाही आता बळीचा बकरा म्हणून सामोरे जावे लागेल.एक मात्र खरे की,व-हाणेतील सुरु असलेल्या दोन वर्षापासूनच्या प्रकरणात “हम तो डुबेंगे सनम तुम्हे भी लेकर” असाच काहीसा प्रकार आता समोर येणार आहे!
