आशाताई बच्छाव
दापोडी मंदिर परिसरात ३२ सीसीटीव्ही कॅमेरे बसविले
मंदिर परिसरातील गैरप्रकारांना बसणार आळा
दापोडी,(प्रतिनिधी उमेश पाटील) : येथील संजय नाना काटे युवा मंचच्या वतीने हिंदू, मुस्लिम, इसाई आदी प्रार्थना स्थळांमध्ये ३२ सीसीटीव्ही कॅमेरे बसविण्यात आले. यामुळे मंदिर परिसरातील गैरप्रकार सीसी कॅमेरामध्ये कैद होण्यास मदत होणार आहे.
मंदिर परिसर व भाविकांच्या सुरक्षिततेसाठी भोसरी पोलीस ठाण्याचे वरिष्ठ पोलीस निरीक्षक भास्कर जाधव यांनी विनंती केल्यानंतर प्रार्थना स्थळांमध्ये व प्रार्थना स्थळाच्या आवारामध्ये सध्यस्थितीत सीसीटीव्ही कॅमेऱ्याची खूप गरज असल्यामुळे संजय काटे यांना विनंती केली. त्यांनी त्याचा पाठपुरावा करून हिंदू, मुस्लिम, इसाई आदी प्रार्थना स्थळे व परिसरामध्ये सीसीटीव्ही कॅमेरे बसविण्यात आले.
यावेळी वरिष्ठ पोलीस निरीक्षक भास्कर जाधव, बालाजी झोनापल्ले, होली क्रॉस चे फादर अल्बर्ट फर्नांडिस, मदरसाचे मौलाना कारी साहब, मौलाना उमर काझी, मौलाना साद, इरफान शेख, अरुण शेख, मेहमूद भाई मुस्लिम बांधव तसेच मेथी डेसा, किशोर तुपे, लिओनन, थॉमस पारखे अमर खंडागळे जयसिंग काटे संतोष काटे रवींद्र बाईत हे उपस्थित होते. कार्यक्रमाचे सूत्रसंचालन कालीचरण पाटोळे तर आभार नंदु काची यांनी मानले.
फोटो : दापोडी येथील संजय नाना काटे युवा मंचच्या वतीने हिंदू, मुस्लिम, इसाई आदी प्रार्थना स्थळांमध्ये सीसीटीव्ही कॅमेरे बसविण्यात आले.
