आशाताई बच्छाव
पत्रकारितेचे बाळकडू लहानपणापासून अनुभवातून मिळाले ज्ञान
वाचकहो,
मी पत्रकारिता क्षेत्रात अगदी अनावधनानेच आली.तस पाहिलं तर लहानपणापासून मेव्हणभाऊ राजेंद्र पाटील राऊत यांची पत्रकारिता कशी निर्भिड व तारेवरची कसरत होती.हे जवळून बघत आली.पत्रकारिता क्षेत्रात असल्यामुळे राजेंद्र पाटील राऊत यांच्या जीवनाची दगदग व धावपळ कशी होती,अन्यायग्रस्तांना न्याय मिळवून देण्यासाठी राजेंद्र पाटील राऊत हे कशा पध्दतीने लेखनीच्या माध्यमातून झगडत होते हे मी अगदी लहानपणापासून जवळून बघितलेले आहे व अनुभवलेले सुध्दा आहे,मात्र पुढे माझे लग्न झाल्यानंतर प्रपंच व संसाराच्या रहाटगाडग्यात सगळं तसच मागे राहिले.मलाही पत्रकारिता क्षेत्राची तशी आवड होतीच.पण…कुठल्याही गोष्टीला योग महत्त्वाचा असतो.आणि माझ्या जीवनातही तसा योग चालून आला,सन २००५ पासून युवा मराठा वृतपत्रातून मी पत्रकारितेला सुरुवात केली.ती आज अखेर कायम आहे.राजेंद्र पाटील राऊत यांच्यासोबत मला मुंबईतील वृतपत्र सत्यवार्ता,कोल्हापूर विशेष,पोलिस कस्टडी,पोलिस नजर सारख्या राष्ट्रीय पातळीवरच्या वृतपत्रात महिला पत्रकार म्हणून काम करण्याची संधी मिळाली आणि त्यामुळेच माझा नावलौकिक सर्वदूर पर्यत एक महिला पत्रकार म्हणून झाला.आज युवा मराठा वृतपत्राच्या माध्यमातून माझा सुरु झालेला पत्रकारितेचा प्रवास मला अनेक मान सन्मान देऊन गेला.या क्षेत्राची आवड निर्माण करणाऱ्या व सतत मार्गदर्शन करुन बातम्यामधील बारकावे समजावून सांगणारे राजेंद्र पाटील राऊत हेच माझ्या गुरुच्या स्थानी आहेत.आजच्या गुरुपौर्णिमेनिमित त्यांना लाख लाख शुभेच्छा!!
श्रीमती आशाताई बच्छाव
व्यवस्थापकीय संपादक
युवा मराठा न्युजपेपर्स अँन्ड वेब न्युज चँनल महाराष्ट्र
