राजेंद्र पाटील राऊत
राष्ट्रीय युवा मराठा पत्रकार महासंघाच्या दिनदर्शिकेचे रत्नागिरीमध्ये उत्साही वातावरणात प्रकाशन..
रत्नागिरी – सुनिल अनंत धावडे – ब्युरो चीफ रत्नागिरी युवा मराठा न्यूज नेटवर्क चॅनल अँन्ड पेपर
जिल्हा परिषद रत्नागिरी उपाध्यक्ष दालन येथे युवा मराठा न्यूज नेटवर्क चॅनल अँन्ड पेपरचे ब्युरो चीफ रत्नागिरी सुनिल अनंत धावडे व छावा प्रतिष्ठान रत्नागिरी यांच्या संयुक्त विद्यमाने दिनांक ०३.०१.२०२२ सोमवार रोजी, राष्ट्रीय युवा मराठा पत्रकार महासंघाच्या दिनदर्शिकेचा प्रकाशन सोहळा माननीय श्री. उदयजी बने ( उपाध्यक्ष – जिल्हा परिषद, सभापती – बांधकाम समिती, आरोग्य समिती) यांच्या शुभहस्ते संपन्न झाला.
यावेळी श्री उदयजी बने हे बोलताना म्हणाले कि युवा मराठा महासंघाचे कार्य हे अनमोल आहे तसेच युवा मराठा पत्रकार संघातील पत्रकार हे कुठल्याही राजकीय पक्षाशी बांधील न राहता त्यांनी जनतेच्या प्रश्नांना वाचा फोडण्यासाठी कोणताही भेदभाव न करता प्रयत्नशील रहावे तसेच पत्रकारांनी जाहिरातींची अपेक्षा न ठेवता सत्य परिस्थिती जनतेसमोर मांडावी व जनतेला न्याय मिळवून देण्याचा प्रयत्न करावा आणी हे कार्य सुनिल धावडे नक्की करतील अशी मी अपेक्षा व्यक्त केली. असे बोलून त्यांनी युवा मराठा महासंघाच्या दिनदर्शिकेस शुभेच्छा दिल्या.
यावेळी श्री. सुजित झिमण ( माजी सभापती), श्री. दत्ता कदम ( माजी सभापती), श्री. विवेकराव सावंत( अध्यक्ष – माचाळ पर्यटन संस्था), श्री. महेश देसाई ( उपसरपंच – ग्रुप ग्रामपंचायत बोंड्ये / नारशिंगे), श्री. राहुल सोनकांबळे ( ग्रामसेवक), श्री. समिर गोताड ( मुख्य सचिव – छावा प्रतिष्ठान रत्नागिरी), श्री. संतोष आग्रे ( कार्याध्यक्ष – छावा प्रतिष्ठान रत्नागिरी) इ.उपस्थित मान्यवर होते.
