राजेंद्र पाटील राऊत
🛑 चिवला बीचवर समुद्रात बुडणाऱ्या पुण्यातील महिलेला स्थानिकांनी वाचवले 🛑
✍️ सिंधुदुर्ग : विजय पवार ( महाराष्ट्र प्रतिनिधी युवा मराठा न्युज )
मालवण :⭕ शहरातील चिवला बीच येथील समुद्रात बुडणाऱ्या पिंपरी-पुणे येथील एका ५७ वर्षीय महिला पर्यटकास स्थानिकांनी तरुणांनी वाचविले. ही घटना सकाळी साडे दहा वाजण्याच्या दरम्यान घडली. आता त्या महिलेची प्रकृती स्थिर आहे.
घटनास्थळावरून मिळालेली माहिती अशी, पुणे येथील २० जणांचा समूह दिवाळी सुटीचा आनंद लुटण्यास आले होते. यातील अनेक महिला चिवला बीच येथील समुद्रात समुद्रस्नानाचा आनंद लुटण्यास उतरले. यात साडी परिधान केलेली एक ५७ वर्षीय महिला पाण्याचा अंदाज न आल्याने बुडत होती.
हा प्रकार किनाऱ्यालगत असलेल्या स्थानिक पर्यटन व्यावसायिकांच्या निदर्शनास येताच फ्रान्सिस फर्नांडिस, सागर धुरी, स्वीटन सोज, कृष्णा सावंत या तरुणांनी घटनास्थळी धाव घेत त्या महिला पर्यटकाला समुद्रातून सुखरूप किनाऱ्यावर आणले. महिलेच्या पोटात पाणी गेल्याने किनाऱ्यावर त्या महिला पर्यटकावर प्राथमिक उपचार करण्यात आले. स्थानिक पर्यटन व्यावसायिकांच्या सतर्कतेमुळे मोठी दुर्घटना टळली.
महिलेचा प्राण वाचविणाऱ्या या पर्यटन व्यावसायिक तरुणांचे कौतुक होत आहे.सध्या दिवाळी सुटीचा आनंद घेण्यासाठी पर्यटकांची मोठी गर्दी झाली आहे. अनेक पर्यटकांना समुद्राचे आकर्षण असल्याने ते समुद्रस्नानाचा आनंद घेण्यास पाण्यात उतरतात. मात्र त्यांना पाण्याचा अंदाज येत नसल्याने दुर्घटना घडते.
त्यामुळे पर्यटकांनी समुद्रात उतरण्यापूर्वी स्थानिकांकडून दिल्या जाणाऱ्या सूचनांचे पालन करायला हवे.⭕