राजेंद्र पाटील राऊत
जनरेटरच्या धुरात कोडुंन चार जण बेशुद्ध बोईसरमध्ये बेकायदेशीर पणे सुरू होते एल्युर सलून.
शेजारच्या दुकानदाराच्या सतर्कतेने दुर्घटना टळली.
(वैभव पाटील विभागीय संपादक युवा मराठा न्युज नेटवर्क)
बोइसर- कोरोना विषाणूचा प्रादुर्भाव रोखण्यासाठी जिल्हा आपत्ती व्यवस्थापनाकडून जारी करण्यात आलेल्या निर्बंधांचे उल्लंघन करून बोईसर शहरात बेकायदेशीरपणे सुरू असलेल्या अल्युर स्पा अँड सलून मध्ये शुक्रवारी (ता.28) दुपारी एक वाजताच्या सुमारास जनरेटरच्या धुरात कोंडुन चार जण बेशुद्ध पडल्याची घटना समोर आली आहे. त्यांना तातडीने बोईसर मधील खाजगी रुग्णालयात दाखल करण्यात आले आहे.त्यामुळे बेकायदेशीरपणे व्यवसाय सुरू ठेवणाऱ्यांवर कारवाईची मागणी पुढे येत आहे.
राज्यात कोरोना विषाणू बाधित रूग्णांच्या संख्येत विक्रमी वाढ झाल्याने ब्रेक द चेन अंतर्गत एप्रिल महिन्यापासून राज्यभरात निर्बंध लागू करण्यात आले होते.यात हॉटेल,स्पा आणि सलून व्यवसाय बंद ठेवण्याचे आदेश जारी करण्यात आले होते.परंतु निर्बंध झुगारून बेकायदेशीर सलून सुरू ठेवण्याचे प्रकार वाढत आहेत.शुक्रवारी दुपारी बोईसर शहरातील अल्युर स्पा चे शटर बंद करून आत मध्ये गिऱ्हाईक बसवून बेकायदेशीरपणे व्यवसाय सुरू होता.दरम्यान वीज पुरवठा खंडित झाल्याने स्पा मध्ये जनरेटर सुरू करण्यात आले होते. सर्व दारे खिडक्या बंद असल्याने जनरेटर मधून निघणाऱ्या धुरात कोंडून स्पा मधील मालक धनश्री संखे(वय.35)यांच्यासह युसुफ शेख (वय.25)योगिता वेलणकर(वय.23) प्रभा (वय.38) बेशुद्ध पडल्या होत्या.शेजारच्या दुकानदाराला संशय आल्याने त्याने शटर उघडून पहिल्याने हा प्रकार उघडकीस आला. तात्काळ रुग्णवाहिका पाचारण करून चौघांना उपचारासाठी बोईसर मधील खाजगी रुग्णालयात दाखल करण्यात आले आहे. उपचारानंतर चौघांची प्रकृती स्थिर आहे.
याप्रकरणी बोईसर पोलिसांनी घटनास्थळाला भेट दिली असून चौकशीनंतर कारवाई करण्यात येणार असल्याची माहिती पोलिसांनी दिली.