राजेंद्र पाटील राऊत
कलंबर येथे महामानव डॉ.बाबासाहेब आंबेडकर यांच्या पुतळ्याचे मोठ्या आनंदात अनावरण….
मुखेड तालुका प्रतिनिधी मनोज बिरादार (युवा मराठा न्यूज नेटवर्क)
महामानव डॉ.बाबासाहेब आंबेडकर यांच्या पुतळ्याचे दि.३० मे रोजी सकाळी १० वाजता मौ.कलंबर येथे मोठ्या आनंदात अनावरण संपन्न झाले.या सोहळ्याचे उद्घाटक म्हणून प.स.सदस्य पंढरी कांबळे,प्रमुख पाहुणे डॉ.शिवाजीराव वासरे,प्रमुख वक्ते विद्यासागर डोरनाळीकर,उत्तमकुमार इंगोले सर व गावचे सरपंच विठाबाई यादवराव बापुणे हे उपस्थित होते.
गावामध्ये हा डॉ.बाबासाहेबांचा भव्य-दिव्य पुतळा उभा राहण्यामध्ये,गावातील शिक्षित तरुणांच्या परिश्रमाचा सिंहाचा वाटा आहे.गावामध्ये बाबासाहेबांचा पुतळा उभा राहण्याचे स्वप्न पूर्ण झाले.आता बाबासाहेबांचे विचार गावामध्ये रुजवण्याचे कार्य हीच तरुण पिढी पूर्ण करेल,असे मनोगत स्वाभिमानी शेतकरी संघटनेचे जिल्हाध्यक्ष शिवशंकर पाटील कलंबरकर यांनी व्यक्त केले.
गावामध्ये हा पुतळा उभा करण्यासाठी व या कार्यक्रमासाठी अनिल लष्करे,विठ्ठल कांबळे,धम्मानंद लष्करे,हर्षवर्धन धनवे,वैभव कलंबरकर,राजेंद्र वानकर,कृष्णा वानकर,नारायण कलंबरकर, पोलिस पाटील शिवाजीराव धनवे यांनी परिश्रम घेतले.
