राजेंद्र पाटील राऊत
विजयसिंह यादव प्रतिष्ठान ने जपली सामाजिक बांधिलकी,
जिल्हाध्यक्ष शिंदे
(मोहन शिंदे ब्युरो चीफ युवा मराठा न्युज नेटवर्क कोल्हापूर)
पेठ वडगांव : येथील माजी नगराध्यक्षा सौ.विद्याताई पोळ यांच्या मार्गदर्शनाने स्व.विजयसिंह यादव प्रतिष्ठान यांच्यावतीने कोरोना महामारीच्या संकटात लाँकडाऊनमुळे हातावर पोट असणाऱ्या गोरगरीब जनतेला फार मोठी झळ बसली आहे अशा गरजूंना मोफत जेवनाची सोय करून सामाजिक बांधिलकी जपली आहे असे प्रतिपादन भारतीय मराठा महासंघाचे कोल्हापूर जिल्हाध्यक्ष मोहन शिंदे यांनी केले. आज शिंदे यांच्या हस्ते मोफत जेवनाचे पँकेट वाटप करण्यात आले.
यादव प्रतिष्ठान मार्फत गरजूंना एक हात मदतीचा एक घास आपुलकीचा हा उपक्रम दररोज शहरातील आबाजी चौकात गरजू व्यक्तींना जेवणाचे पॅकेट दिली जात आहेत याचा लाभ शहरातील ३५० ते ४०० नागरिकांना दररोज होत आहे.
यावेळी अभिजीत गायकवाड म्हणाले या उपक्रमाबरोबरच यादव प्रतिष्ठान मार्फत छत्रपती शिवाजी महाराज आरोग्य मंदीर वडगांव (कोविड सेंटर) येथील रूग्णांना ,व तेथील सर्व वैद्यकीय कर्मचाऱ्यांना देखील दोन वेळचे जेवन दिले जाते तसेच भादोले ता.हातकणंगले येथील कोविड सेंटरला सकाळचे जेवन दिले जाते. तसेच या उपक्रमाने गरजूंना फार मोठा दिलासा मिळाला आहे.
यावेळी माजी उपनगराध्यक्ष सुनील हुक्केरी, शाहू शिक्षण संस्थेचे अभिजीत गायकवाड (दादा), प्राचार्य प्रदिप पाटील , माजी उपनगराध्यक्ष आनंदा म्हेत्रस , राजेंद्र झगडे , रमेश पाटील , शंकर यादव , आप्पासाहेब पाटील , भिकाजी शिंदे ,बाळासो जंगम, नितीन शेटे , दशरथ सणगर कार्यकर्ते उपस्थित होते.
