*मोटारसायकलींची समोरासमोर धडक एक ठार तर दोन जखमी.*.
जाहूर ,( मनोज बिरादार प्रतिनिधी युवा मराठा न्युज नेटवर्क)-मुखेड नजीक दोन मोटरसायकल स्वारांचा समोरासमोर अपघात झाला असून एकाचा ट्रकखाली चिरडून मृत्यू झालेला आहे यात दोन दुचाकीस्वार जखमी झाले असून एकाचा मृत्यू झालेला आहे ही घटना २७ ऑक्टोबर रोजी दुपारी दोन वाजता घडलीआहे. मयत बापूराव माणिकराव त टाळी कोटे वय ४२ वर्षे राहणार कोटग्याळ व सर्जेराव निवृत्ती देवकते वय २५ वर्ष राहणार हुलगुंडे वाडी हे दोघे दुचाकी क्रमांक MH ४२AW३८०१ या गाडीवर मुखेड कडून बाजार खरेदी करून गावाकडे जात होते त्याच वेळी समोरच्या दिशेने विठ्ठल राठोड राहणार निजामाबाद हे आपल्या नवीन मोटरसायकलवर येत होते मुखेडच्या जवळच असलेल्या भारत पेट्रोल पंप जवळ या दोन्ही मोटारसायकलींची समोरासमोर धडक झाली या भयंकर अपघात कोटग्याळ येथील रहिवासी बापूराव माणिकराव टाळी कोटे आपल्या वाहना वरून खाली आपटले याच वेळी मुखेड च्या दिशेने येणारे MH १६AE९०११या ट्रकच्या खाली आल्यामुळे त्यांचा जागीच मृत्यू झाला. त्यांच्याबरोबर त्यांच्या गाडीवर असलेले सर्जेराव देवकते व समोरच्या दिशेने मुखेड कडे येत असलेले विठ्ठलराठोड हे दोघे जखमी झाले आहेत त्यांना मुखेड येथील उपजिल्हा रुग्णालयात दाखल करण्यात आले आहे घटनेची माहिती मिळताच पोलीस उपनिरीक्षक गणपत चित्ते पोलिस जमादार धोंडीबा चोपेवाड व पोलीस कर्मचारी किरण वाघमारे यांनी घटनास्थळी धाव घेऊन पंचनामा केला मयत बापूराव टाळी कोटे यांच्या पश्चात आई वडील पत्नी एक मुलगा तीन मुली आहेत घटनेची माहिती कोटग्याळ गावात समजताच गावकर्यांनी व नातेवाइकांनी ताबडतोब मुखेड गाठले परिवारातील सदस्यांनी एकच टाहो फोडला घरातील कर्ता पुरुष गेल्याने त्यांच्या परिवारावर दुःखाचा डोंगर कोसळला असून सर्वत्र हळहळ व्यक्त केली जात आहे रात्री उशिरा पर्यंत गुन्हा दाखल करण्याची प्रक्रिया सुरू होती बापूराव यांच्या पार्थिवाचे उपजिल्हा रुग्णालय मुखेड येथे शवविच्छेदन केल्यानंतर रात्री उशिरा त्यांचा अंत्यविधी त्यांच्या मूळ गावी खोड्याळ येथे करण्यात येत आहे या घटनेमुळे परिसरात हळहळ व्यक्त केल्या जात आहे.