आशाताई बच्छाव
सर्व महिलांनी सतर्क राहावे – सरपंच नंदू समरीत
पिंडकेपार येथे “पे टू पे दान” साठी ५५० रू. ची पावती फाडा प्रकरण
संजीव भांबोरे
भंडारा ( जिल्हा प्रतिनिधी)
कोणत्याही शासकीय “बेटी बचाओं, बेटी पढाओं” या योजनेला शासनातर्फे कोणतेही शुल्क अथवा पैसे आकारले जात नाही. पण नुकतेच साकोली जवळील पिंडकेपार येथे महिलांतर्फे एका राजस्थान येथील एन जी ओ संस्थेच्या पावतीवर ग्रामीण महिलांकडून “पे टू पे दान घ्या, दान द्या” ५५० रूपये घेऊन ती पावती महिलांना देण्यात येत आहे. या प्रकरणी गोरगरीब महिलांनी याची संपूर्ण शहानिशा करूनच आर्थिक व्यवहार करावा, असे पैशे मागण्याची शासनाची कोणतीही योजना नाही, असा सल्ला व आवाहन गावचे उच्चशिक्षित सरपंच नंदू ब्रिजलाल समरीत यांनी “युवाराष्ट्र दर्शन” शी बोलतांना केले आहे.
तीन दिवसांपूर्वी काही महिलांच्या माध्यमातून “बेटी बचाओं बेटी पढाओं” नावावर एक “कार्यकर्ता बनने के फायदे” अशी पाच पानांची फाईल देऊन “पे टू पे सोशियल फाऊंडेशन – ३६, किरण पथ मानसरोवर जयपूर ( राज.) ची दान राशि रसीद देऊन प्रती ५५०/- रू पावती फाडीत आहेत. त्यात एका जागृत जनतेने ती पावती साकोली मिडीया प्रसारमाध्यमावर टाकली. याबबद मिडीयाने पिंडकेपार सरपंच नंदू ब्रिजलाल समरीत यांना माहिती विचारली. तर यांनी ग्रामपंचायत कडून गावात ह्या पावत्या फाडण्यासाठी कोणतीही परवानगी वा ना हरकत घेतली नाही. तर अश्या शासकीय योजनेत शासन कोणतेही शुल्क अथवा पैसे आकारले जात नाही असे कळले. सदर फाईल मध्ये “लेव्हल, इन्कम रिवार्ड” मधून स्कुटी, अल्टो कार, ब्रिझा कार व जीप हे रॉयल्टी इन्कमवर दर्शविले असून विविध आरोग्य, आर्थिक मदतीचे नमूद केले आहे. आता यात शासन असे कोणतेही स्कीम देत नसून शासनाच्या नावाने एकप्रकारे पैसे उकळण्याचा हा नेमका प्रकार तर नाही अशी शंका येथील शिक्षित जनतेने व्यक्त केली असून साकोली शहरापर्यंतही लाखांदूर रोडवर योजना अशिक्षित महिलांकडे आलेली असल्याची माहिती पुढे आली आहे.
• यावर काय म्हणाले सरपंच –
“अश्या प्रकारची बेटी बचाओं बेटी पढाओं वर ५५० रू ची पावती फाडा बाबद कोणतीही परवानगी ग्रामपंचायत पिंडकेपार कडून घेण्यात आली नाही. गोरगरीब महिलांचे आपले कष्टाचे पैसे वाया जाऊ नये म्हणून या प्रकरणाची संपूर्ण, सखोल, शासकीय कागदोपत्री शहानिशा करूनच त्यांचेशी आर्थिक व्यवहार करावा, याबाबद साकोली पोलीसांना ही माहिती देण्यात येईल”
— नंदू ब्रिजलाल समरीत
“सरपंच” आदर्श गाव पिंडकेपार ता. साकोली
