आशाताई बच्छाव
पुरातन शिव मंदिर धोत्रा नंदई येथे भक्तांची मांदियाळी….
युवा मराठा न्यूज बुलढाणा जिल्हा ब्युरो चीफ संजय पन्हाळकर
देऊळगाव राजा :-बुलढाणा चिखली वरून फक्त ३३ किलोमीटर अंतरावर धोत्रा नंदई हे गाव आहे. बुलढाणा जिल्ह्यातील देऊळगाव राजा तालुक्यातील सुमारे २ हजार लोकसंख्या असलेले हे गाव. या गावात ३ सुंदर अशी प्राचीन हेमाडपंथी स्थापत्यशैलीचे शिवमंदिरे आहेत. तीनही मंदिराचे प्रवेश द्वार पूर्वेकडेच आहे.
हा १२ व्या शतकातील ३ शिव मंदिराचा समूह चालुक्य काळातील असून अशा प्रकारचा मंदिर समूह फारसा दिसत नाही. महत्वाचे म्हणजे ही मंदिरे गावाच्या ३ दिशेला त्रिकोणी स्थितीमध्ये आहेत. ती तशी का आहेत हा औत्सुक्याचा विषय आहे. त्यामुळे येथे शिव भक्तांची वर्दळ असते.
या तीन मंदिरापैकी दोन मंदिरे गावात आहेत तर तिसरे गावाबाहेर एका शेतात आहे. आज गावाबाहेरील तिसरे मंदिर बघुया. मंदिर पुरातत्त्व विभागाच्या अखत्यारित आहे. धोत्रा नंदई मधील तीन मंदिरापैकी सर्वात सुंदर मंदिर हेच आहे. उत्कृष्ट कोरीव काम आणि वास्तुकलेचा उत्तम नमुना असलेले हे मंदिर आहे. इतर दोन मंदिराप्रमाणेच या मंदिराची पण थोडीफार पडझड झालेली आहे. मंदिराच्या जवळच एक पुरातन बारव आहे पण सध्या बारवेची दुर्दशा झालेली आहे.
श्रावण महिन्यात या ठिकाणी भक्तांची मांदियाळी असतें
