आशाताई बच्छाव
डॉ.कल्याण काळे यांच्या प्रचारार्थ शुक्रवारी जालन्यात महाविकास आघाडीची महत्वाची बैठक
जालना/प्रतिनिधी दिलीप बोंडे
जालना लोकसभा मतदार संघाचे इंडिया(महाविकास)आघाडीचे उमेदवार डॉ.कल्याण काळे यांच्या प्रचारार्थ उद्या 19 एप्रिल शुक्रवार रोजी इंडिया (महाविकास)आघाडीच्या जालना विधानसभा मतदार संघातील पदाधिकारी,कार्यकर्त्यांची व्यापक बैठक आयोजित करण्यात आली आहे. जालना शहरातील अंबड रोडवर असलेल्या गोल्डी लॉन्स मध्ये शुक्रवारी सकाळी 9.30 वाजता आयोजित करण्यात आलेल्या या बैठकीस जालना लोकसभा मतदार संघाचे उमेदवार डॉ.कल्याण काळे,आ.कैलास गोरंटयाल, आ.राजेश राठोड,जिल्हा काँग्रेस कमिटीचे अध्यक्ष राजाभाऊ देशमुख,शिवसेना (उध्दव बाळासाहेब ठाकरे)पक्षाचे जिल्हाप्रमुख भास्करराव अंबेकर,राष्ट्रवादी काँग्रेसचे ज्येष्ठ नेते एकबाल पाशा,राष्ट्रवादी काँग्रेसचे(शरद पवार गट) जिल्हाध्यक्ष डॉ.निसार देशमुख, जालना शहर जिल्हा काँग्रेसचे अध्यक्ष शेख महेमुद,समाजवादी पक्षाचे जिल्हाध्यक्ष शेख नबी शिपोरकर,आपचे जिल्हाध्यक्ष संजोग हिवाळे,संभाजी ब्रिगेडचे प्रदेश पदाधिकारी संतोष गाजरे आदी मान्यवरांची उपस्थिती राहणार आहे.
या महत्त्वाच्या बैठकीस जालना विधानसभा मतदार संघातील इंडिया(महाविकास)आघाडीच्या सर्व पदाधिकारी आणि कार्यकर्त्यांनी उपस्थीत रहावे असे आवाहन इंडिया(महाविकास)आघाडीच्या वतीने करण्यात आले आहे.
