आशाताई बच्छाव
अंबाजोगाई तालुक्यातील अंबासाखर परिसरात तरुणाचा झाला खून
मोहन चव्हाण
ब्युरो चीफ बीड जिल्हा
बीड/अंबाजोगाई दि:१५ अंबाजोगाई शहरापासून जवळच ०७ कि मी अंतरावर असलेल्या अंबासाखर कारखाना परिसरात काल रविवारी दिनांक १४ एप्रिल २०२४ रोजी एका तरुणाचा तीक्ष्ण हत्याराने भोसकून खून करण्यात आला असून, या घटनेने परिसरात एकच खळबळ उडाली आहे. सविस्तर माहिती अशी की, संजय आत्माराम राठोड (वय ३५ वर्ष रा. राडी तांडा ता. अंबाजोगाई ) असे मयत झालेल्या व्यक्तीचे नाव आहे. रविवारी सायंकाळी ७:३० वाजताच्या सुमारास तो अंबासाखर परिसरात असताना एका अज्ञात व्यक्तीने त्याच्या छातीत तीक्ष्ण हत्याराने भोसकून त्याचा निघृनपणे खून केल्याची माहिती मिळाली आहे. या घटनेची माहिती मिळताच अंबाजोगाई ग्रामीण पोलीस तत्काळ घटनास्थळी धाव घेतली असून सदरील घटनेचा पंचनामा करून मृतदेह शवविच्छेदनासाठी अंबाजोगाई येथील स्वामी रामानंद तीर्थ ग्रामीण रुग्णालय अंबाजोगाई येथे पाठवण्यात आला आहे. किरकोळ वादातून हा प्रकार घडल्याची माहिती पोलीस सूत्रांनी दिली असून कुणाचे कारण अद्याप स्पष्ट झाले नसून पुढील तपास अंबाजोगाई ग्रामीण पोलीस करीत आहेत.
