आशाताई बच्छाव
वाशीम , प्रतिनिधी निखिल धुत –राजस्थानी महिला मंडळाच्या वतीने गणगौर मोठ्या उत्साहात साजरा करण्यात आला. यावेळी गावातून काढण्यात आलेल्या शोभायात्रेत महिलांनी पारंपरिक गीत गायली. शोभायात्रेने अनसिंगकरांचे लक्ष वेधले होते. होळीच्या दुसऱ्या दिवसापासून हा मारवाडी समाजाचा सर्वात महत्त्वाचा उत्सव म्हणजेच गणगौर उत्सव समजला जातो. यामध्ये गणगौर राजस्थानी पारंपरिक गीताचे आयोजन करून विविध प्रकारचे राजस्थानी गीतांचे गायन करत असतात. हा उत्सव १६ दिवस चालत असून, यामध्ये दररोज स्त्रिया सायंकाळी गणगौर मातेचे मंदिरामध्ये विधिवत पूजन करतात. या दिवसात स्त्रियांकरिता हे व्रत अधिक महत्त्वाचे आहे. गणगौरीच्या व्रतानिमित्त महिला पूजा करतात. त्यानंतर डोक्यावर कलश घेऊन विहिर वर जातात. घरी आल्यानंतर शिवपार्वतीचे वेश तयार करून शोधा प्रतिष्ठापना केली जाते. शिवपार्वतींना सुंदर वस्त्रे अर्पण करून या प्रसंगी पूजा केली जाते. गणगौर गीताचे अनेक महत्त्व असून, हा उत्सव राजस्थान राज्यामध्ये अधिक पसंतीचा असून, इतर राज्यांमध्येपण गणगौर उत्सव साजरा करण्यात येतो. महिलांमध्ये अधिक आनंद व उत्साह पाहायला मिळते. अनसिंग येथे राजस्थानी गणगौर उत्सवाची सांगता शांततेत करण्यात आली. या उत्सवामध्ये राजस्थानी महिला सहभागी होत्या.