आशाताई बच्छाव
परळीच्या शिरतेचात मानाचा तुरा धनराज आदोडे यांची सहाय्यक संशोधन अधिकारी पदी निवड
मोहन चव्हाण
ब्युरो चीफ बीड जिल्हा
बीड/परळी दि: ०२ परळी शहरातील शारदा नगर भागातील रहिवासी असलेल्या धनराज मारुती आदोडे यांची अर्थ व सांख्यिकी विभागाच्या वतीने घेण्यात आलेल्या परीक्षेत सहाय्यक संशोधन अधिकारी गट ब (अराजपत्रित) म्हणून निवड करण्यात आली असून त्यांच्याकडे अर्थ व सांख्यिकी विभाग देण्यात आला आहे. धनराज यांच्या या निवडीने परळीच्या शिरपेचात मानाचा तुरा रोवला आहे. सविस्तर माहिती अशी की, परळी शहरातील शारदानगर विभागातील रहिवासी मारुती आदोडे यांचे चिरंजीव धनराज आठवडे यांचे प्राथमिक व माध्यमिक शिक्षण श्री वैद्यनाथ विद्यालय परळी येथे पूर्ण झाले. महाविद्यालयीन शिक्षणानंतर आदोडे यांनी स्पर्धा परीक्षेची तयारी सुरू केली. या परीक्षेत त्यांना घवघवीत यश मिळाल्यानंतर त्यांची राज्य उत्पादन शुल्क आयुक्तालय मुंबई येथे सहाय्यक संशोधन अधिकारी गट ब (अराजपत्रित) म्हणून नियुक्ती करण्यात आली. यांच्याकडे अर्थ व सांख्यिकी विभागाचा कारभार देण्यात आला आहे. सामान्य परिस्थितीतून अपार मेहनत, जिद्द व चिकाटीने धनराज आदोडे यांनी शिक्षण घेत स्पर्धा परीक्षेची यशाला गवसणी घातली. त्यांचे हे यश परळीतील सामान्य कुटुंबातील शिक्षण घेणाऱ्या व स्पर्धा परीक्षेची तयारी करणाऱ्या विद्यार्थ्यांना मार्गदर्शक ठरणार आहे. आदोडे यांच्या या निवडीचे परळीतील सर्व क्षेत्रातील मान्यवर व मित्र परिवाराच्या वतीने कौतुक करण्यात येत आहे.
