आशाताई बच्छाव
धांद्रीच्या राममंदिरात धाडसी चोरी,नागरिकांत खळबळ
(दावल पगारे विशेष प्रतिनिधी)
लखमापूर – नाशिकच्या बागलाण तालुक्यातील धांद्री येथील रामम़ंदिरात धाडसी चोरी झाली असून, त्यामुळे नागरिकांत भितीचे वातावरण निर्माण झाले आहे.
धांद्री ता.बागलाण येथे अवघ्या दोन तीन महिन्यांपूर्वीच राममंदिराचे पुर्ननिर्माणाचे काम पूर्ण झाले असून,काल मंगळवारी रात्री अज्ञात चोरट्यांनी मंदिरात टाकलेल्या धाडसी घरफोडीत मंदिरातील ऐवज लुटून नेला.प्रभू रामचंद्र व सीतामाईच्या अंगावर परिधान केलेले किंमती दागिनेही चोरट्यांनी चोरून नेल्याने नागरिकात घबराटीचे वातावरण निर्माण झाले आहे.दरम्यान या घटनेची फिर्याद सटाणा पोलिसांना आज सकाळी देण्यात आली असून,हे वृत्त लिहीपर्यत पोलिस घटनास्थळी पोहोचले नव्हते.तर घटनास्थळी श्वानपथक पाचारण करण्यात येणार असल्याचे सुत्रांकडून समजते.
