आशाताई बच्छाव
विदेशी दारू वाहतूक करणारा इसम, 4,18,160 रुपयांच्या मुद्देमालासह जेरबंद .
जिल्हा प्रतिनिधी जालना-वसंतराव देशमुख
याविषयी सविस्तर माहिती अशी की, जालना शहरातील अवैध धंदे करणाऱ्या इसमावर कारवाई करण्याबाबत मा. पोलीस अधीक्षक श्री अजय कुमार बन्सल यांनी स्थानिक गुन्हे शाखेचे पोलीस निरीक्षक श्री रामेश्वर खनाळ यांना सूचना दिल्या होत्या. त्या अनुषंगाने पोलीस निरीक्षक स्थानिक गुन्हे शाखा जालना यांनी स्थानिक गुन्हे शाखेचे अमलदार यांना अवैध धंदे करणाऱ्या इसमावर कारवाई करण्याच्या सूचना देऊन मार्गदर्शन केले होते.
त्या अनुषंगाने दिनांक 21/0 3 /2024 रोजी माननीय पोलीस निरीक्षक स्थानिक गुन्हे शाखा जालना यांनी अवैध धंदे करणाऱ्या ईसमाविरुद्ध स्थानिक गुन्हे शाखेचे एक पथक नेमले. पथकातील अंमलदार हे जालना शहरात अवैध धंद्याची माहिती घेत असताना त्यांना गुप्त बातमीदारामार्फत माहिती मिळाली की, जालना शहरातून मस्तगडकडून मीयाॅसाब दर्गा चौकाकडे एक बोलेरो ही अवैध विदेशी दारू घेऊन चोरटी विक्री करण्यासाठी घेऊन जात आहे. अशी खात्रीलायक माहिती मिळाल्याने स्थानिक गुन्हे शाखेतील पथक यांना ठीक 13: 30 वाजता मीयाॅसाब दर्गा चौकात एक पांढऱ्या रंगाची बोलेरो गाडी जात असताना दिसली. त्यांनी सदर बोलेरो चालकास गाडी थांबविण्याचा इशारा करून गाडी थांबून सदर बोलेरो गाडीतून 68,160 रुपयांची विदेशी कंपनीची दारू व एक 3,50,000 हजार रुपये किमतीची एक पांढऱ्या रंगाची बोलेरो गाडी जिचा पासिंग क्रमांक M.H. 44 B-17 98 असा एकूण 4,18,160-00 रुपयांचा मुद्देमाल जप्त करण्यात आला.
सदरची कारवाई माननीय पोलीस अधीक्षक श्री अजय कुमार बन्सल व मा.अप्पर पोलीस अधीक्षक श्री आयुष नोपाणी यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री रामेश्वर खानाळ स्थागुशाचे अमलदार विनायक कोकणे, गोपाल गोशिक, लक्ष्मीकांत आडेप, देविदास भोजने ,भागवत खरात, विलास चेके सर्व स्थानिक गुन्हा शाखा जालना यांनी केली आहे.