आशाताई बच्छाव
जिल्हा परिषद केंद्रीय शाळेचे वार्षिक स्नेहसंमेलन उत्साहात संपन्न.
जिल्हा प्रतिनिधी जालना -वसंतराव देशमुख
याविषयी सविस्तर वृत्त असे की,
शेळगाव आटोळ ता.चिखली जिल्हा परिषद केंद्रीय शाळेचे वार्षिक स्नेहसंमेलन नुकतेच मोठ्या उत्साहात संपन्न झाले आहे.
दरवर्षीप्रमाणे यंदाही विद्यार्थ्यांच्या कलागुणाला वाव देणारा वार्षिक स्नेहसंमेलनाचा कार्यक्रम शाळेमध्ये मुख्याध्यापक श्री एम. बी. सुरडकर सर यांच्या मार्गदर्शनाखाली घेण्यात आला. याप्रसंगी अंढेरा पोलीस स्टेशनचे पोलीस निरीक्षक सन्माननीय श्री विकास पाटील साहेब उद्घाटक म्हणून लाभले. प्रमुख उपस्थितीमध्ये शाळा व्यवस्थापन समितीचे अध्यक्ष श्री गजानन भाऊ गावडे यांची प्रमुख उपस्थिती होती.
प्रमुख पाहुणे म्हणून ग्रामपंचायतचे सरपंच उपसरपंच सदस्य गण शाळा व्यवस्थापन समितीचे उपाध्यक्ष सदस्य गण ..त्याचप्रमाणे राजकीय सामाजिक सहकार क्षेत्रातील आजी-माजी गणमान्य व्यक्तींची उपस्थिती होती.
इयत्ता पहिली ते आठवीच्या विद्यार्थ्यांनी …जवळपास 79 कलाकृती सादर केल्या. ज्यामध्ये व्यसनमुक्ती,देशभक्ती,राष्ट्रीय एकात्मता,सर्वधर्मसमभाव, शेतकरी आत्महत्या,जय जवान जय किसान,स्त्री पुरुष समानता, बेटी बचाव बेटी पढाव,मनोरंजनात्मक तथा प्रबोधन पर अशा अनेक मुद्द्यांवर हृदयस्पर्शी कलाकृती सादर करण्यात आल्या
*वरील सर्व कलागुणांना वाव मिळावा म्हणून गावातील समस्त पालकांनी 42710 /..(बेचाळीस हजार सातशे दहा) रुपयांच्या बक्षिसांची लयलूट करून मुख्याध्यापक सर्व शिक्षक विद्यार्थी यांचा यथोचित गुणगौरव केला.
सदर बक्षीस रकमेचा विनियोग विद्यार्थ्यांना शैक्षणिक साहित्य देऊन करण्यात आला ज्यामध्ये विद्यार्थ्यांना पेपरपॅड ,कंपास पेटी, स्केल ,नोटबुक असे विविध शालेय उपयोगी साहित्य देऊन विद्यार्थ्यांचा उत्साह वाढविण्यात आला. बक्षीस वितरण प्रसंगी शाळेचे सन्माननीय मुख्याध्यापक श्री एम. बी. सुरडकर सर तसेच सर्व शिक्षक वृंद शाळा व्यवस्थापन समितीचे अध्यक्ष श्री गजानन भाऊ गावडे उपाध्यक्ष तथा समिती त्याचप्रमाणे गावातील गणमान्य व्यक्ती यांची उपस्थिती होती.