आशाताई बच्छाव
उक्कडगावच्या आशा स्वयंसेविकेस ‘समृद्धी’ची २१ हजाराची मदत
जालना, दिलीप बोंडे ब्युरो चीफ:घनसावंगी तालुक्यातील उक्कडगाव येथील आशा कार्यकर्त्या संजिवनी वाव्हळे याच्यां मुलीच्या लग्नासाठी समृद्धी साखर कारखान्यामार्फत सतीश घाटगे यांनी २१ हजाराची मदत केली. कारखान्याचे संचालक दिलीप मामा फलके यांच्या हस्ते ही मदत सुपूर्द करण्यात आली.
ग्रामीण भागातील शेवटच्या घटकांपर्यंत आरोग्य सेवा पोहचविणाऱ्या आशा, अंगणवाडी सेविका व गट प्रवर्तकांसाठी समृद्धी साखर कारखान्याचे चेअरमन सतीश घाटगे यांनी शुभमंगल कन्यादान योजना सुरु केली आहे. या योजनेंअंतर्गत आशा व अंगणवाडी सेविकेंच्या मुलीच्या लग्नासाठी समृद्धी कारखाना २१ हजाराची मदत कन्यादान म्हणून करतो.उक्कडगाव येथील आशा कार्यकर्त्या संजिवनी वाव्हळे याच्यां मुलीच्या लग्नासाठी शुभमंगल कन्यादान योजनेंतर्गत २१ हजाराची मदत करण्यात केली. यावेळी भाजपा जिल्हा उपाध्यक्ष संजय तौर, वधूपिता संजय वाव्हळे, ऊस पुरवठा अधिकारी विजय देशमुख उपस्थित होते.यावेळी वधूपिता संजय वाव्हळे यांनी मदतीबद्दल घाटगे यांचे आभार मानले.
——————