आशाताई बच्छाव
महिला दिनानिमित्त पीसीएमच्यावतीने महिलांचा सन्मान संपन्न
जालना, दिलीप बोंडे ब्युरो चीफ। – महिला दिनानिमित्त शुक्रवार (दि 8) रोजी जिल्ह्यातील विविध क्षेत्रात उल्लेखनिय कामगिरी करणार्या महिलांचा सन्मान प्रेस कॉन्सील ऑफ महाराष्ट्र जालनाच्यावतीने करण्यात येणार आहे, अशी माहिती कॉन्सीलचे जालना जिल्हाध्यक्ष दीपक शेळके यांनी दिली आहे. या कार्यक्रमास उदघाटक म्हणून जालना शहर महानगर पालिकेचे आयुक्त संतोष खांडेकर उपस्थित राहणार असून पीसीएमचे राज्य सरचिटणीस महेश जोशी यांची प्रमुख उपस्थिती राहणार आहे. सौ. सीमाताई खोतकर यांच्या अध्यक्षतेखाली हा कार्यक्रम संपन्न होणार आहे.
आत्मविश्वासासह घेते भरारी नाव आहे तिचे नारी याप्रमाणे महिला त्यांच्या आयुष्यात अनेक जबाबदार्या पार पाडतात. प्रशासकीय, पोलीस प्रशासन, आरोग्य विभाग, शैक्षणिक, राजकीय, सामाजिक अशा विविध क्षेत्रात कार्यरत महिलांवर पारिवारीक आणि समाजाची जबाबदारी असते. समाजप्रती त्यांची असलेली आपुलकी ही लपुन राहिलेली नाही. या महिलांचा सन्मान होणे गरजेचे आहे. त्यामुळे येत्या आठ मार्च रोजी महिला दिनाचे औचित्य साधत जालना जिल्ह्यातील विविध क्षेत्रात कार्यरत असलेल्या काही महिलांचा प्रतिनिधीक स्वरुपात सन्मान करण्याचे आयोजन करण्यात आले आहे.
यात प्रामुख्याने अप्पर जिल्हाधिकारी सरिता सुत्रावे, प्रा. डॉ. ज्योतीताई कुलकर्णी, अॅड. कल्पना त्रिभुवन, श्रीमती कमलताई तुल्ले, आयेशाखान मुलानी, कमलताई गिरी, रंजना दाणेकर, ज्योतीताई आडेकर, करुणा मोरे, विद्याताई जाधव, शेख महेजबीन, रोहिणी देऊळगावकर, पुष्पाताई सदावर्ते, श्रीमती पी. एम. बुंदेले, लीणाताई माळोदे, मीनाताई हिरगुडे, निर्मलाताई मुंडलिक आदी विविध क्षेत्रातील महिलांचा सन्मान करण्यात येणार आला.
