आशाताई बच्छाव
मोफत पोलीस भरती शिबिरामध्ये सहभागी होण्याचे आवाहन: डॉ. पंडित तुपे
मोहन चव्हाण ब्युरो चीफ
बीड दि:०१ महाराष्ट्रात पोलीस भरतीच्या १७,४७१ पदासाठी पोलीस भरती जाहीर करण्यात आली होती आता ह्या पोलीस भरती प्रक्रियेला सुरुवात झालेली आहे. दि ०१ मार्चपासून जिल्हानिहाय पोलीस भरतीची जाहिरात प्रसिद्ध होऊन ०५ मार्च २०२४ ते ३१ मार्च २०२४ पर्यंत ऑनलाईन अर्ज सादर करता येणार आहेत. १२ पास असलेल्या मुला – मुलींना या भरती प्रक्रियेत सहभागी होता येणार आहे. ग्रामीण भागातील तसेच शहरी भागातील गरीब, होतकरू मुला मुलींना आपले पोलीसात भरती होण्याचे स्वप्न साकार करता यावे म्हणून ०८ मार्च २०२४ महिला जागतिक दिनानिमित्त युवकक्रांती दल व जय हिंद डिफेन्स अकॅडमी बीड यांच्या संयुक्त विद्यमाने ०३ मार्च ते ०५ मार्च २०२४ या दरम्यान चाणक्य मंडळ गिराम कॉम्प्लेक्स, वाघमारे हॉस्पिटल च्या बाजूला डीपी रोड बीड येथे मोफत पोलीस भरती शिबिराचे आयोजन करण्यात आले असून ९४०३९५९४५४ या मोबाईल क्रमांकावर नाव नोंदणी करणे आवश्यक राहील. मोफत पोलीस भरती शिबिरामध्ये पोलीस भरतीच्या उमेदवारांनी अर्ज कसा करावा? कोणत्या जिल्ह्यात अर्ज करावा, अर्ज करताना काय काळजी घ्यावी. कागदपत्रे कोणती असावीत अशा सर्व प्रकारच्या माहिती बरोबरच ग्राउंड ची तयारी कशी करावी लेकी अभ्यासक्रमातील गणित बुद्धिमत्ता, मराठी व्याकरण, सामान्य ज्ञान या विषयाचा अभ्यास करून पैकीच्या पैकी मार्क मिळवून आपले पोलीस भरतीचे स्वप्न साकार करण्यासाठी तळागाळातील सर्व उमेदवारांनी हजारोंच्या संख्येने या शिबिराचा लाभ घ्यावा असे आव्हान युवक क्रांती दल संघटनेचे जिल्हाअध्यक्ष डॉ .पंडित तुपे यांनी केले आहे.