आशाताई बच्छाव
तोरणा प्रवेशद्वाराचे भूमीमुजन
मुंबई : प्रतिनिधी विजय पवार
भारतरत्न डॉ. बाबासाहेब आंबेडकर यांच्या परपर्शाने पावन झालेली त्यावेळची ‘डबक चाळ’ आणि आत्ताची डॉ. बाबासाहेब आंबेडकर नगर.या नगराचे एस.आर. ए. योजने अंतर्गत सन २००९ मध्ये पुनर्वसन झाले, त्यावेळेपासून या पुनर्वसन कामाचे नगराचे विकासक यानी तोरणा गेट बांधून देण्याचे आश्वासन देऊन सुध्दा आजपर्यंत ते झाले नाही म्हणून येथील ज्येष्ठ नागरिक यांनी वडाळा विधानसभेचे आमदार श्री. कालीदास कोळंबकर यांच्याकडे गेली काही वर्ष पाठपुरावा केला. या कार्यास नगराचे रहिवाशी व भाजप उपाध्यक्ष जितेंद्र कांबळे यानी विशेष सहकार्य केले व भव्यदिव्य तोरणा प्रवेशद्वार बांधण्याचे नक्की झाले. हे भूमीपुजन डॉ. बाबासाहेब आंबेडकर नगर परेल येथे स्थानिक आमदार श्री. कोलंबकर साहेबांच्या हस्ते करण्यात आले. यावेळी “डॉ.बाबासाहेबांच्या विचारांचा वारसा घेणारा याच समाजाचा मी पण एक घटक आहे हे कार्य करायला मिळाले हे माझे भाग्यच असल्याचे ” असे उदगार त्यांनी काढले.
या कार्यक्रमाचे प्रस्ताविक करताना उपाध्यक्ष जितेंद्र कांबळे यानी मी ज्या नगरात वाढलो तिथले येवढे मोठे काम करण्यात माझा वाटा आहे याचे मला समाधान वाटते असे मत व्यक्त केले.
या कार्यक्रमास नगरातील सोसायटीचे ज्येष्ठ पदाधिकारी, रहिवाशी, महिला पदाधिकारी, भाजपचे जिल्हा स्तरीय पदाधिकारी तालुका पदाधिकारी, तसेच इतर रहिवाशी उपस्थितीत होते.
सदर कार्यक्रमामध्ये नगराचा विकासापासून आजपर्यंतची सविस्तर माहिती, मान्यवरांचा मान सन्मान व अतिशय मधुर शब्दांत सुत्रसंचालन करून उपस्थितांचे आभार प्रदर्शन विजय झिमुर यांनी केले.