आशाताई बच्छाव
सोनई महाविद्यालयात मराठी राजभाषा गौरव दिन साजरा….. सोनंई,(कारभारी गव्हाणे)आज मुळा एज्युकेशन सोसायटीचे कला वाणिज्य व विज्ञान महाविद्यालय सोनई या महाविद्यालयामध्ये मराठी विभाग अंतर्गत दि. २७ फेब्रुवारी २०२४ रोजी स. ०९:०० वा. मराठी भाषा गौरव दिनाचे आयोजन करण्यात आले. या कार्यक्रमाचे प्रास्ताविक मराठी विभाग प्रमुख डॉ. निवृत्ती मिसाळ यांनी केले तर पाहुण्यांचा परिचय राष्ट्रीय सेवा योजनेचे प्रमुख कार्यक्रम अधिकारी डॉ. बाळासाहेब खेडकर यांनी करून दिला. ज्ञानेश्वर माऊली व कुसुमाग्रज यांच्या प्रतिमेचे पूजन करून कार्यक्रमाची सुरुवात झाली. कार्यक्रमाचे प्रमुख व्याख्याते कवी डॉ. विष्णू सुरासे सर यांनी मराठी भाषेला सोन्याचे दिवस आणण्याचे काम कुसुमाग्रजांनी केलं, त्याचबरोबर मराठी भाषेमध्ये असणारे इतर साहित्य प्रकार त्यामधील मी आणि माझी विनोदी कविता या विषयावर त्यांनी सखोल असे मार्गदर्शन केले. तसेच या कार्यक्रमासाठी अध्यक्ष म्हणून महाविद्यालयाचे प्राचार्य डॉ. शंकर लावरे सर यांनी अध्यक्षीय मनोगतामध्ये मराठी भाषेतील विविध प्रादेशिक भाषांचा वापर केलाआणि मातृभाषेचे महत्त्व विशद केले. त्याचबरोबर महाविद्यालयाचे उपप्राचार्य यांनी मनोगतामध्ये मराठी भाषेची सुरुवात ही शिलालेखातून झालेली आहे असे सांगितले. या कार्यक्रमाचे आभार प्रदर्शन विद्यार्थी कल्याण मंडळाचे प्रमुख प्रा. राहुल निपुंगे सर यांनी केले तर सूत्रसंचालन प्रा. तुकाराम जाधव यांनी केले. या कार्यक्रमासाठी इंग्रजी विभाग प्रमुख डॉ. संदीप खेडकर, सोपान दरंदले तसेच मोठ्या संख्येने विद्यार्थी व प्राध्यापक वृंद उपस्थित होते.
