आशाताई बच्छाव
बाऱ्हाळी येथे महारक्तदान शिबिराचे आयोजन
मुखेड बाराहाळी -दि. १८ जगद्गुरु नरेंद्राचार्य महाराज संस्थान दक्षिणपीठ नाणीज यांच्या प्रणेने श्री सांप्रदाय सेवा समिती बाऱ्हाळीच्या वतीने महारक्तदान शिबिराचे आयोजन करण्यात आले आहे तरी परिसरातील रक्तदात्यांनी सर्वश्रेष्ठ असलेले रक्तदान करून सामाजिक व धार्मिक उपक्रमात सहभाग नोंदवावा असे आवाहन श्री संप्रदाय सेवा समिती बाऱ्हाळीया वतीने करण्यात आले आहे.
जगद्गुरु नरेंद्राचार्य महाराज संस्थान दक्षिणपीठ नाणीजच्या प्रेरणेने दरवर्षी अनेक राज्यात शिबिराचे आयोजन करून मोठ्या प्रमाणात सामाजिक उपक्रम राबविण्यात येतो. जगद्गुरु नरेंद्राचार्य महाराज यांच्या कृपाशीर्वादाने व प. पु. कानिफनाथ महाराज यांच्या प्रेरणेने दि. १० ते २५ फेब्रुवारी २०२४ दरम्यान संपूर्ण राज्यात रक्तदान शिबिराचे आयोजन करण्यात आले आहे. त्या अनुषंगाने मंगळवार दि. २० फेब्रुवारी रोजी प्राथमिक आरोग्य केंद्र बाऱ्हाळी ता. मुखेड येथे सकाळी १० ते सायं. ५ वाजताच्या दरम्यान रक्तदान शिबिराचे आयोजन करण्यात आले आहे. व्यंकटराव पाटील गोजेगावकर यांच्या हस्ते शिबिराचे उद्घाटन होणार असून श्रीमती विजयाताई देशपांडे, ॲड. मुरारजी देशपांडे, मल्हारराव देशपांडे, राजन देशपांडे, चंद्रशेखर देशमुख, अरुण महाजन, नि. म. वडगावकर, स्वप्नील चव्हाण, बालाजी पाटील सकनुर, हणमंत मामा वाडीकर, सपोनी भालचंद्र तिडके, सतिश महाजन, डॉ. आकाश देशमुख, व्यंकट पाटील उमाटे, डॉ. योगेश दाचावार आदींची प्रमुख उपस्थिती राहणार आहे. तरी परिसरातील रक्तदात्यांनी या धार्मिक व सामाजिक उपक्रमात सहभाग नोंदवावा असे आवाहन श्री सांप्रदाय समिती बाऱ्हाळीच्या वतीने करण्यात आले आहे.
