आशाताई बच्छाव
सडक अर्जुनी येथे अखिल भारतीय अपंग ध्रुवतारा क्रांतिकारी सामाजिक संघटनेची सभा संपन्न
संजीव भांबोरे( गोंदिया) जिल्ह्यातील सडक अर्जुनी येथे अखिल भारतीय ध्रुवतारा अपंग क्रांतिकारी सामाजिक संघटनेचे संस्थापक सचिव श्रीकृष्ण देशभ्रतार व राष्ट्रीय अध्यक्ष संजीव भांबोरे यांच्या मार्गदर्शनात अखिल भारतीय ध्रुवतारा अपंग क्रांतिकारी सामाजिक संघटनेचे गोंदिया जिल्हाध्यक्ष भार्गव वाघमारे यांच्या नेतृत्वात सभा घेण्यात आली. यावेळी गोंदिया जिल्हा उपाध्यक्ष गणेश राहुलकर, जिल्हा सचिव किशोर बडगाये ,उपस्थित होते. कार्यक्रमाचे प्रास्ताविक रामकृष्ण फुरसुंगी सडक अर्जुनी तालुका उपाध्यक्ष यांनी केले. यावेळी मार्गदर्शन करताना जिल्हाध्यक्ष भार्गव वाघमारे यांनी दिव्यांगांच्या स्वयंरोजगाबाबत माहिती दिली .त्याचप्रमाणे शैक्षणिक, औपचारिक ,स्वबळावर निर्भर कसे राहावे याबाबत माहिती दिली. त्याचप्रमाणे तालुक्यातील प्रत्येक दिव्यांग व्यक्तींनी अधिकाऱ्यांसोबत आपल्या अडीअडचणी पूर्ण करण्याकरता तत्पर असावे असे सुद्धा यावेळी त्यांनी सांगितले .यावेळी जिल्हा सचिव किशोर बलगाये ,जिल्हा उपाध्यक्ष गणेश राहुलकर यांनी सुद्धा मार्गदर्शन केले .आभार अशोक मेश्राम यांनी मानले. यावेळी स्वाती शिवणकर, अशोक मिश्रा जागेश्वर प्रत्येकी , प्रकाश हत्तीमारे ,रवींद्रविठ्ठले , निलेश शिवणकर हेमराज टेकाम, विकी धमगाये आदी प्रामुख्याने उपस्थित होते.
