आशाताई बच्छाव
सत्य घटना आणली जनतेपुढे – दिग्दर्शक सदानंद बोरकर
मित्रांगण समुहाच्या ‘दोन घराचं गाव’ नाट्याला अकराशेंवर रसिकजणांची उपस्थिती
संजीव भांबोरे
भंडारा( जिल्हा प्रतिनिधी) साकोली शहरातील मित्रांगण समुह वतीने शंकरपटानिमित्त रसिकांना मंत्रमुग्ध करणारी पुनर्वसनाच्या प्रतिक्षेत सर्वस्व गमावून बसलेल्या कुटुंबांची सत्य कहाणी श्री व्यंकटेश नाट्य मंडळ नवरगांव प्रस्तुत “दोन घराचं गाव” या नाट्यचा प्रयोग रविवार ( ता १८.) ला होमगार्ड परेड ग्राऊंडवर संपन्न झाला. यात अकराशेंच्या वर महिला पुरुष रसिकांची उपस्थिती होती हे विशेष. व नाटकाचे छायाचित्रण साकोली मिडीयाने केले.
नाटकाच्या उदघाटक प्रसंगी मुख्याधिकारी मंगेश वासेकर, प्रा. होमराज कापगते, जि.प.सभापती मदन रामटेके, जि.प.स. वनिता डोये, ॲड. मनिष कापगते, प्रा.अर्चना बावणे, अश्विन नशिने, उमेश कठाणे व इतर मान्यवर हजर होते. “दोन घराचं गाव” ही केविलवाण्या संगीतावर हृदयस्पर्शी नाटक पहातांना पदोपदी रसिकांच्या डोळ्यात अश्रू येत सर्व स्तब्ध झाले होते. आणि शेवटी सर्व महिला डोळ्यात पाणी आणून नाटकाची प्रत्येकजण स्तुती करत होते. कारण भ्रष्ट कारभाराशी दोन हात करणारे आदिवासी कुटुंबाच्या रानातील संघर्षमय न्याय हक्कासाठी ही सत्य कहाणी प्रत्यक्ष जनतेनी अनुभवली. नाटकाच्या मध्यांतरात दिग्दर्शक सदानंद बोरकर यांची जनतेसमोर थेट मुलाखत पत्रकार रवी भोंगाने व कॅमेरामन आशिष चेडगे यांनी घेतली. यात सदानंद बोरकर यांनी सांगितले की ही कोकणातील सत्य घटनेवर आधारित नाट्य असून जेव्हा गरज होती तेव्हा शासनाने लाभ न देता जीवन संपविल्यानंतर त्या कुटुंबाला आर्थिक मदत दिली आणि ती त्या कुटुंबाने नाकारून दुःखाचा हंबरडा फोडला. प्रसंगी दिग्दर्शक सदानंद बोरकर यांचा यावेळी मित्रांगण कडून मानचिन्ह देत सत्कार करण्यात आला. यात साकोली कार्यकारीणीचे डॉ. नरेश कापगते, डॉ. अरुण झिंगरे, प्रशांत गुप्ता, सदु (शरद) कापगते, दामोदर कापगते, किशोर डोये, छगन पुस्तोडे, ॲड. दिलीप कातोरे, डॉ. सुनील समरीत, रवि परशुरामकर, विजय दुबे, उमेश भुरे, ग्यानिराम गोबाडे, जे.डी. मेश्राम, कुंदन वल्के, तुलसीदास पटले, डी.डी. वलथरे, विनोद भेंडारकर, राम चाचेरे, राधेश्याम मुंगमाडे, बंडू शेंडे, हेमंत भारद्वाज, सुरेश बघेल, पत्रकार रवि भोंगाने, आशिष चेडगे हे हजर होते. या नाटकाचा साकोली परीसरातील अकराशेंच्यावर महिला पुरुष नाट्यरसिकांनी विलक्षण अनुभव घेतला हे उल्लेखनीय.