आशाताई बच्छाव
शेतकरी कन्येच्या लग्नासाठी घरपोच आली एक क्विंटल साखर
घनसावंगी/ जालना ( दिलीप बोंडे ब्युरो चीफ)
घनसावंगी तालुक्यातील गुंज येथील शेतकरी दशरथ घुंगासे यांच्या मुलीच्या लग्नासाठी समृद्धी साखर कारखान्याच्या संचालिका वैशालीताई सतीश घाटगे यांनी एक क्विंटल साखर घरपोच दिली.
ऊस उत्पादक शेतकऱ्यांना मान, सन्मान स्वाभिमान देणारा कारखाना म्हणून समृद्धीची ओळख आहे. शेतकऱ्यांबरोबरच समाजातील विविध घटकांसाठी कारखान्याचे चेअरमन सतीश घाटगे व व्हाईस चेअरमन महेंद्र मेठी अनेक सामाजिक उपक्रम राबवत आहेत. याच सामाजिक उपक्रमाचा भाग असलेली एक क्विंटल घरपोच मोफत साखर ही योजना सभासद शेतकऱ्यांसाठी समृद्धी कारखाना राबवत आहे. या योजनेअंतर्गत समृद्धी साखर कारखान्याचे सभासद दशरथ घुंगासे यांच्या कन्येच्या विवाहासाठी कन्यादान म्हणून समृद्धी साखर कारखान्याच्यावतीने कारखान्याच्या संचालिका वैशालीताई सतीश घाटगे यांनी एक क्विंटल साखर घरपोच दिली. यावेळी त्यांनी घुंगासे परिवारासोबत हळदी समारंभास उपस्थितीत राहून वधूची भेट घेऊन वैवाहिक आयुष्यासाठी शुभेच्छा दिल्या.याप्रसंगी सुभाष जाधव,प्रवीण तौर,गजानन जाधव,ऋषी चिकणे, संतोष मुगे,शुभम काळे,किशोर राजूरकर, शिंदे उपस्थित होते
