आशाताई बच्छाव
मिनी बस आणि सिमेंट मिक्सर ट्रक मध्ये भीषण धडक, क्रिकेट खेळायला निघालेल्या ४ चार तरुणाचा मृत्यू तर १० जण गंभीर जखमी.
————
दैनिक युवा मराठा
पी एन देशमुख.
अमरावती जिल्हा विभागीय संपादक.
अमरावती.
अमरावती येथून खाजगी बसचा अपघात झाल्याची धक्कादायक घटना समोर आली. सिमेंट काँक्रीट मिक्सर आणि मिनी बस चा नांदगाव खंडेश्वर जवळील शिंगणापूर येथे अपघात घडला. या अपघात मध्ये ४ तरुणांचा जागीच मृत्यू झाला. तर दहा जणांचा जखमी मध्ये समावेश आहे. शिंगणापूर जवळ सकाळी ७.३० ला हा भीषण अपघात झाला आहे. मिळालेल्या माहितीनुसार अमरावती येथून खेळाडू हे यवतमाळ येथील सुरू असलेल्या एका स्पर्धेसाठी ट्रॅव्हल्स ने निघाले होते. नांदगाव खंडेश्वर मार्ग यवतमाळला जात असताना शिंगणापूर जवळ समोर येणाऱ्या काँक्रिटी मिक्सर ट्रकने पिवळा रंगाच्या ट्रॅव्हल्सला समोरासमोर जवळ समोरून येणाऱ्या भर वेगात दोन्ही वाहनात टक्कर झाली. प्राथमिक माहितीच्या आधारे या अपघातात स्पॉटवरच४ जणांचा घटनास्थळी मृत्यू झाला. तर दहा जण जखमी झाले या अपघातात दोन्ही वाहनाचे मोठे नुकसान झाले. या अपघात ची माहिती नांदगाव खंडेश्वर पोलिसांना मिळताच विलंबन करता मदती करता अपघात घटनास्थळी पोहोचले. अपघातातील जखमी नागरिकांना नांदगाव खंडेश्वर येथील तालुका आरोग्य केंद्र येथे प्राथमिक उपचार यासाठी दाखल केले असून त्यांच्यावर खाजगी रुग्णालय रिम्स हॉस्पिटलमध्ये उपचार करिता दाखल केले. काही गंभीर जखमींना अमरावती येथे शासकीय रुग्णालयात उपचार करता दाखल केले स्पर्धेला खेळाडू पोहोचण्यापूर्वी चार जण बळी गेले. अमरावती जिल्ह्यातून हे खेळाडू स्पर्धेसाठी यवतमाळ जिल्ह्यात निघाले होते. मात्र स्पर्धेपूर्वीच खेळाडू व काळाने घाला घातला. अपघात झालेल्या घटनास्थळी स्थानिकांनी मोठ्या प्रमाणात गर्दी केली होती. तसेच अपघातानंतर बराच वेळ रस्त्यावर वाहतूक कोंडी झाली होती. अपघातात झालेल्यांचे नातेवाईकांनी हॉस्पिटलमध्ये गर्दी केलेली आहे. अपघात स्थळी नांदगाव खंडेश्वर पोलीस स्टेशन पोलीस चमु चौकशी करीत आहेत.
