आशाताई बच्छाव
दोन दुचाकी गाड्यांची समोरासमोर धडक; एक जण जागीच ठार
मोहन चव्हाण
ब्युरो चिफ बीड जिल्हा
बीड/वडवणी दि १८ दोन दुचाकींची समोरासमोर धडक होऊन एक जण जागीच ठार झाला आहे. तर एक जनाचा खाजगी रुग्णालयात उपचारा दरम्यान रात्री ११.०० वाजण्याच्या सुमारास मृत्यू झाला आहे. ही घटना काल सायंकाळी सहा वाजण्याच्या सुमारास पुसरा फाट्या जवळ घडली आहे.
याबाबत मिळालेली माहिती अशी की वडवणी होऊन तेलगावकडे जाणारी स्प्लेंडर गाडी एम एच ४४ एम ३१ ९३ व तेलगाव कडून वडवणीकडे येत असलेली पल्सर गाडी एम एच ४४ व्ही ५५९४ दुचाकींची समोरासमोर जबरदस्त धडक बसली असून यात दोन्ही गाड्या चालकांना मार लागला होता. तर स्प्लेंडर वरील गाडी चालक टोकेवाडी येथील रहिवासी असल्याचे सांगण्यात येत आहे. नाव समजू शकले नाही वय अंदाजे ३० वर्षे हे जागीच ठार झाले आहेत. तर पल्सर या दुचाकीचा चालक व पुसरा फाट्यावरील एक युवक विकास शहादेव झोडगे वय २७ वर्षे याला बीड येथील खाजगी रुग्णालयात उपचारासाठी दाखल केले होते. परंतु गंभीर मार लागला असल्याने त्यांचा देखील रात्री ११.०० वाजता उपचारा दरम्यान मृत्यू झाला आहे. तर सदरील परिस्थिती पाहता गाड्यांचा चक्काचूर झाल्याचे दिसून आले आहे. या अपघातातील दोन्ही गाड्या वडवणी पोलीस स्टेशनला जमा करण्यात आल्या आहेत.
