आशाताई बच्छाव
अंगणवाडी सेविकेच्या मुलीच्या लग्नासाठी समृद्धी ट्रस्टची मदत
वैशालीताई घाटगे यांच्या 21 हजाराचे कन्यादान
घनसावंगी जालना / दिलीप बोंडे: समाजातील तळागाळातील गरीब घटकांच्या घरापर्यंत पोहचवून शासनाच्या योजना आणि आरोग्य सेवा देण्याचे कार्य आशा, अंगणवाडी सेविकां करतात. त्यांच्या मुलीच्या लग्नासाठी समृद्धी ट्रस्टच्या माध्यमातून शुभमंगल कन्यादान योजना राबविण्यात येते. या योजनेंअंतर्गत राहेरा येथील अंगणवाडी सेविका विजयमाला कोरडे यांच्या मुलीच्या लग्नासाठी समृद्धी ट्रस्टच्या अध्यक्षा वैशाली सतीश घाटगे यांच्या हस्ते कन्यादान म्हणून 21 हजार रूपांची मदत करण्यात आली.
समृद्धी साखर कारखान्याचे चेअरमन सतीश घाटगे यांच्या संकल्पनेतून आशा, अंगणवाडी सेविकेंच्या मुलीच्या लग्नासाठी समृद्धी ट्रस्टच्या माध्यामतून शुभमंगल कन्यादान योजना राबविण्यात येते. या योजनेंअंतर्गत आतापर्यंत अंबड घनसावंगी तालुक्यातील अनेक अंगणवाडी व आशा सेविकांना समृद्धी ट्रस्टच्या अध्यक्षा वैशाली सतीश घाटगे यांनी २१ हजाराची मदत केली आहे. या योजनेअंतर्गत घनसावंगी तालुक्यातील राहेरा येथील अंगणवाडी सेविका विजयमाला कोरडे यांना मुलीच्या लग्नासाठी मदत करण्यात आली. या मदतीबद्दल कोरडे दाम्पत्यांनी सतीश घाटगे व वैशाली घाटगे यांचे आभार मानले. समाजाचे आपण काहीतरी देणे लागतो या भावनेतून सतीश घाटगे यांच्या संकल्पनेतून ही योजना घनसावंगी मतदारसंघातील आशा, अंगणवाडी सेविका आणि गट प्रवर्तक महिलांसाठी राबविण्यात येत असल्याचे यावेळी वैशाली घाटगे यांनी सांगितले