आशाताई बच्छाव
स्नेहसंमेलन विद्यार्थ्यांच्या कलागुणांना वाव देण्याचे व्यासपीठ : पंकज वानखेडे
संजीव भांबोरे
भंडारा (जिल्हा प्रतिनिधी) विद्यार्थ्यांवर मूळ संस्कार प्राथमिक शिक्षकच करतात. विद्यार्थ्यांच्या कलागुणांना प्रोत्साहन देण्यासाठी विविध गुणदर्शन कार्यक्रम उपयुक्त ठरतात. पुस्तकी अभ्यासासोबतच विद्यार्थ्यांनी विविध कला, चांगले छंद जोपासावेत. वार्षिक स्नेहसंमेलन विद्यार्थ्यांच्या कलागुणांना वाव देण्याचे व्यासपीठ आहे, असे मत पंकज वानखेडे यांनी केले. ते इंडीयन स्टार इंटरनॅशनल स्कूल आंबाडी येथे २०२३-२४ स्नेहसंमेलनाप्रसंगी मुख्य प्रमुख अतिथी स्थानावरून बोलत होते.
कार्यक्रमाला अध्यक्ष पदी कामगार अधिकारी पराग शंभरकर , मुख्य अतिथी विधी अधिकारी राहुल खंदारे , सामाजिक कार्यकर्ते शेखर बोरकर , सरपंच ग्रामपंचायत आंबाडी , सदस्य पदाधिकारी, शाळेचे मुख्याध्यापक तथा शिक्षक व कर्मचारी ,
अध्यक्ष शाळा व्यवस्थापन समिती उपस्थित होते. दरम्यान स्नेहसंमेलनात
पहिल्या सत्रात विज्ञान प्रदर्शन व कला, हस्तकला प्रदर्शन घेण्यात आले होते. त्यात चिमुकल्यांनी तयार केलेल्या वस्तू पाहण्यासारख्या होत्या. वार्षिक स्नेहसंमेलनाची सुरुवात नृत्याने झाली. यावेळी शाळेतील चिमुकल्यांनी विविध सांस्कृतिक कार्यक्रमांचे सादरीकरण केले.
