आशाताई बच्छाव
धक्कादायक घटना परळीतील पवनराजे अर्बन निधीच्या अध्यक्षाची आत्महत्या
मोहन चव्हाण
ब्युरो चिफ बीड जिल्हा
बीड/परळी दि:०६ रोजी परळी शहरातील पवनराजे अर्बन निधी या अर्थपेढीचे अध्यक्ष प्रल्हाद सावंत यांनी आज सायंकाळी सात वाजता आत्महत्या केल्याची घटना उघडकीस आली आहे. सध्याच्या परिस्थितीत पतसंस्था, मल्टीस्टेट यांच्या आर्थिक अडचणींच्या घटनांमध्ये वाढ झालेली आहे. बीड जिल्ह्यातील काही पतसंस्थांबाबत प्रश्न उपस्थित होत आहेत. यातच आता परळी शहरातील मोठी आर्थिक उलाढाल आलेल्या पवनराजे अर्बन निधीचे अध्यक्ष प्रल्हाद सावंत यांनी गळफास घेऊन आत्महत्या केल्याची घटना पुढे आली आहे. प्रेम प्रज्ञा नगर येथील एका अपार्टमेंट मध्ये प्रल्हाद सावंत यांनी काही दिवसापूर्वीच घर खरेदी केले होते. या घरात ते अद्याप राहिलाही गेले नव्हते. याच घरात त्यांनी आज दोरीने गळफास घेऊन त्यांनी आत्महत्या केल्याची माहिती समोर आली. घटनेने एकच खळबळ उडाली आहे. दरम्यान आत्महत्याचे कारण अद्याप स्पष्ट झालेले नाही. परळी शहर पोलिसांनी घटनास्थळाचा पंचनामा केला असून त्यांच्या खिशात कागदपत्रे सापडले आहेत. यातून आत्महत्याचे कारण पुढे येण्याची शक्यता आहे. उत्तरीय तपासणीसाठी उपजिल्हा रुग्णालयात मृतदेह ठेवण्यात आला आहे.