राजेंद्र पाटील राऊत
७ ला भंडारा जिल्हा निवड चाचणी स्पर्धा
संजीव भांबोरे
भंडारा( जिल्हा प्रतिनिधी)– महाराष्ट्र कुस्तीगीर परिषदेच्या मान्यतेनुसार विदर्भ केसरी कुस्ती स्पर्धा -२०२४ दि. ९ ते ११ फेब्रुवारी २०२४ ला ३८ वी महिला- पुरुष विदर्भ केसरी किताब लढत स्पर्धेचे आयोजन दि. ९ ते ११ फेब्रुवारी २०२४ ला नागपूर जिल्ह्यातील कुही, मांढळ येथे करण्यात आले आहे.
त्याकरिता भंडारा जिल्हा कुस्तीगीर संघाची निवड चाचणी छत्रपती शिवाजी महाराज क्रीडा संकुल येथे बुधवार दिनांक ७ फेब्रुवारी २०२४ ला दुपारी १२ वाजता करण्यात येणार आहे. ही निवड चाचणी भंडारा जिल्हा कुस्तीगीर संघाचे अध्यक्ष रामदास शहारे, सचिव महेश शहारे, कोषाध्यक्ष अशोक बन्सोड यांच्या मार्गदर्शनाखाली होणार आहे.
त्यात वजन प्रौढ गट ५७, ६१, ६५, ७०, ७४, ७९ किलो. व विदर्भ केसरी ७५ ते १२५ किलो ग्राम पर्यंत तसेच महिला गट ५०, ५३, ५५, ५७, ५९, ६२, ६५, ६८, ७२ किलो ग्राम व महिला केसरी ६८ ते ७५ किलो ग्राम वजनापर्यंत होणार आहेत.
तरी भंडारा जिल्ह्यातील महिला -पुरूष पेहलवानांनी आपले आधार कार्ड घेऊन वेळेवर उपस्थित राहावे असे आवाहन भंडारा जिल्हा कुस्तीगीर परिषदेचे प्रशिक्षक कुस्ती प्रशिक्षक अशोक बन्सोड व विलास केजरकर यांनी केले आहे.
