आशाताई बच्छाव
ऊसतोड मजुराच्या अल्पवयीन मुलीवर बळजबरीने लॉजमध्ये नेऊन बलात्कार!
मोहन चव्हाण
ब्युरो चिफ बीड जिल्हा
बीड/वडवणी दि:०४ दहावीच्या वर्गात शिकणाऱ्या अल्पवयीन मुलीला बळजबरीने लॉज मध्ये नेऊन तिला मारहाण करत तिच्यावर बलात्कार केल्याची खळबळजनक घटना वडवणी येथे उघडकीस आली आहे. बीड परळी रोडवरील सदिच्छा हॉटेलमधील लॉजवर नेऊन नराधमाने हे कृत्य केल्याचे समोर आले आहे. सदरील नराधम हा अल्पवयीन असून गुन्हेगारी प्रवृत्तीचा असल्याची माहिती समोर आली आहे. वडवणी येथे पीडित अल्पवयीन मुलगी दिनांक २३ जानेवारी २०२४ रोजी मैत्रिणी सोबत शाळेत जात असताना त्या ठिकाणी पांढऱ्या रंगाच्या कार मध्ये आलेल्या आरोपीने पीडितेला तुझ्या मैत्रिणींना मारहाण होत असून तुला तिने बोलवले आहे, असे सांगितले. त्यानंतर पिढीतील आकार मध्ये बसून बीड रोडवर असलेले सदिच्छा हॉटेलमधील लॉजवर नेले. त्या ठिकाणी तिला जीवनाची धमकी देऊन तिच्यावर बळजबरीने बलात्कार केला. यावेळी आरोपीने पिढीतील मारहाण देखील केली. या प्रकरणात पीडितेच्या फिर्यादीवरून आरोपी नराधमाच्या विरोधात वडवणी पोलीस ठाण्यात कलम ३७६,३७६ (आय)(आय) ३२३,५०६ भांदविसह कलम ४,८,१२ पोस्को प्रमाणे शुक्रवारी रात्री उशिरा गुन्हा दाखल झाला आहे. दरम्यान या प्रकरणातील आरोपी मुलाविरुद्ध आणखी एका मुलीने तक्रार दिल्याची माहिती समोर येत आहे. आरोपी हा गुन्हेगारी वृत्तीचा असून त्याच्या विरोधात पिंपळनेर पोलीस ठाण्यातही गुन्हा दाखल असल्याची चर्चा आहे. पीडित मुलगी शुक्रवारी सकाळी दहा वाजता वडवणी पोलीस ठाण्यात गेली होती मात्र गुन्हा दाखल केला जात नव्हता. दोन्ही बाजूचे लोक आणि राजकीय नेते ठाण्यामध्ये आलेले होते. अखेर शुक्रवारी रात्री उशिरा गुन्हा दाखल करण्यात आला आहे.