आशाताई बच्छाव
स्वराज्य पोलीस मित्र,पत्रकार संरक्षण आणि माहिती अधिकार संघटना मुंबई विभागात संविधान दिवस उत्साहाने साजरा
मुंबई, सौ सविता तावरे स्वराज्य पोलीस मित्र, पत्रकार संरक्षण आणि माहिती अधिकार संघटनेचे राष्ट्रीय/संस्थापक अध्यक्ष श्री. दीपकजी कांबळे सर व मुख्य महासचिव श्री. कमलेश (देवा सर) शेवाळे सर निर्देशानुसार,
आज रविवार, दि. २६ नोव्हेंबर २०२३ रोजी सकाळी ठीक १०.०० वाजता स्वराज्य पोलीस मित्र, पत्रकार संरक्षण आणि माहिती अधिकार संघटनेच्या वतीने पंचशील विचार मंच, बर्वे नगर, भट वाडी, घाटकोपर (प) येथे ईशान्य मुंबई जिल्हाध्यक्ष श्री संदीप वाघमारे सर यांच्या पुढाकाराने भारतीय संविधान दिन साजरा करण्यात आला. यावेळी, मुंबई विभाग प्रभारी मालतेशसर हेब्बारे, ईशान्य मुंबई जिल्हा सचिव आनंद वैराळ, ईशान्य मुंबई सहसचिव संगीता वाघमारे, ईशान्य मुंबई संघटक ज्योती शेळके, ईशान्य मुंबई सहसंघटक दिपाली तांबे, ईशान्य मुंबई सहसंपर्कप्रमुख माधुरी परब, विक्रोळी तालुका उपाध्यक्षा लता कांबळे आदी पदाधिकारी उपस्थित होते.
त्याचप्रमाणे, स्वराज्य पोलीस मित्र, पत्रकार संरक्षण आणि माहिती अधिकार संघटनेच्या संचालिका तथा मुंबई अध्यक्ष सविताताई तावरे यांनी विक्रोळी पार्कसाईट व घाटकोपर कामराज नगर येथील अनुक्रमे अखिल पार्कसाईट सेवा संघ व ग्रुप डायनॅमिक वेलफेअर असोसिएशनने संविधान दिनानिमित्त आयोजित केलेल्या भव्य रक्तदान शिबीरास भेट दिली. यावेळी त्यांच्या समवेत मुंबई विभाग उपाध्यक्ष संजय रेवणकरसर, मुंबई विभाग संघटिका वैशालीताई कांबळे, ईशान्य मुंबई जिल्हा प्रवक्ते समीर नाईक आणि विक्रोळी तालुका उपाध्यक्ष लताताई कांबळे उपस्थित होत्या. अखिल पार्कसाईट सेवा संघ येथे उपस्थित असलेले शास्त्रज्ञ श्री रविंद्र चोपडे यांच्याशी मुंबई अध्यक्ष सौ सविता तावरे यांनी संवाद साधला. कामराज नगर येथे ग्रुप डायनॅमिक वेलफेअर असोसिएशन येथे नवयुवकांनी आयोजन व नियोजन केलेल्या रक्तदान शिबिराचे सर्वानीच कौतुक केले. रक्तदान करण्याचे शतक पार पाडलेले आपले मुंबई विभाग उपाध्यक्ष श्री संजय रेवणकरसर यांचा सत्कार ग्रुप डायनॅमिक वेलफेअर असोसिएशन वतीने करण्यात आला. याप्रसंगी केलेल्या भाषणात रेवणकरसरानी रक्तदानचे महत्व उपस्थितांना पटवून दिले. ईशान्य मुंबई जिल्हा प्रवक्ते श्री समीर नाईक यांनी केलेल्या छोटेखानी भाषणात भारतीय संविधान दिना बद्दल थोडक्यात माहिती सांगितली, रक्तदात्यांना स्वराज्य संघटनेच्या पदाधिकाऱ्यांचा हस्ते प्रमाणपत्र देण्यात आले आणि ग्रुप डायनॅमिक वेलफेअर असोसिएशनच्या कार्याची प्रशंसा करत त्यांच्या कार्याला शुभेच्छा दिल्या.