आशाताई बच्छाव
मराठा आंदोलन मनोज जरंगे पाटील यांच्या जाहीर सभेच्या पूर्वतयारीची बैठक जालन्यात संपन्न….
एक डिसेंबरला जालन्यात मनोज जरांगे यांच्या जाहीर सभेचे आयोजन…
बैठकीस जिल्ह्यातील आठही तालुक्यातील स्वयंसेवक व समन्वयकांचा सहभाग…
भाजपा जिल्हा उपाध्यक्ष भास्कर दानवे यांना बैठकीत भाषण करण्यास समाज बांधवांचा विरोध, विरुद्ध समाज बांधवांनी केली जोरदार घोषणाबाजी…
अखेर भास्कर दानवेंना बैठक स्थलापासून घ्यावा लागला काढता पाय…
जालना,(दिलीप बोंडे जिल्हा प्रतिनिधी)
मराठा आंदोलक आरक्षण योद्धे मनोज जरांगे पाटील यांच्या जाहीर सभेचे आयोजन जालन्यात करण्यात आले आहे. 1 डिसेंबर रोजी जालन्यात रॅली काढून मनोज जरांगे यांची जाहीर सभा होणार असून मनोज जरांगे मराठा समाज बांधवांना मार्गदर्शन करणार आहेत. त्या सभेच्या पूर्वनियोजनासाठी जालन्यात आज सकल मराठा समाज व मराठा क्रांती मोर्चा ची एकत्रित बैठक पार पडली. या बैठकीस जिल्ह्यातील जालना, अंबड, घनसावंगी, भोकरदन, जाफराबाद, मंठा, बदनापूर आणि परतुर या आठही तालुक्यातील स्वयंसेवक आणि समन्वयकांनी उपस्थित राहून मनोज यांची जाहीर सभा यशस्वी करण्यासंदर्भात चर्चा केली. दरम्यान या बैठकीत मराठा स्वयंसेवकांनी भाजपा जिल्हा उपाध्यक्ष भास्कर दानवे यांना भाषण करण्यास विरोध करत त्यांच्या विरोधात जोरदार घोषणाबाजी केली. काल अंबड शहरात ओबीसी समाजाची एल्गार सभा घेण्यात आली. या सभेसाठी मंत्री छगन भुजबळ यांच्यासह त्यांचे बंधू समीर भुजबळ देखील उपस्थित होते. यावेळी छगन भुजबळ यांनी आपल्या भाषणात मनोज जरंगे यांना कडाडून विरोध केला होता. व काल सभेसाठी भास्कर दानवे आणि समीर भुजबळ यांचे सोबत चे फोटो समाज माध्यमांवर वायरल झाले होते. एकीकडे भास्कर दानवे ओबीसी समाजाच्या सभांना जातात आणि तिथे जाऊन मराठा समाजाला विरोध करणाऱ्यांना पाठिंबा देतात, इतकच नाही तर आधी विरोध करतात हे स्पष्ट झाले आहे