आशाताई बच्छाव
शितला माता मंंदीर येथे साठ वर्षानंतर काकड आरती
कार्तिक मासात पहाटे होते गजर !
संजीव भांबोरे
भंडारा (जिल्हा प्रतिनिधी) : – उठा, उठा हो सकल झाली… आता जागे व्हा रे, आता स्मरण करा पंढरीनाथा अशाप्रकारे भक्तीमय भजनानी पहाटेची सुरुवात होते. भल्या पहाटे मंदिरात काकड आरतीचे आवाज कानी पडताच भक्तिमय वातावरण अनुभवास येते. कोजागरी पौर्णिमेच्या निमित्ताने आदिशक्ती शितला माता मंंदीर येथे साठ वर्षानंतर यावर्षी प्रथमच काकड आरतीला सुरुवात करण्यात आली आहे.
कोजागरी पौर्णिमेच्या दुसऱ्या दिवसापासून काकड आरतीला सुरुवात होते. हिंदू धर्मात कार्तिक महिन्याला अनन्य साधारण महत्त्व प्राप्त झाले आहे. या महिन्यात दिवाळी हा मोठा धार्मिक सण येतो. महिनाभर पहाटे – पहाटे काकडा केला जातो. आदिशक्ती शितला माता मंदिरात काकड आरतीत सहभागी भाविक पहाटे उठून स्नान करून मंदिरात एकत्र येत असतात.
कार्तिक महिना हिवाळ्यात येत असते. आणि हा महिना मानवाच्या आरोग्यासाठी उत्तम आहे. कारण पहाटेला ऑक्सिजनचे प्रमाण अधिक मिळत असते. हरिनामाचा गजर केल्याने मन प्रशन्न होते. यामुळे कार्तिक मासात भक्तिचा सुगंध वातावरण निर्माण झाले आहे. पहाटेला आंघोळ केल्याने संपूर्ण दिवस हा आनंदाने प्रशन्न वाटत असतो.
रामप्रहरी आरती, वासुदेव आणि सहस्त्र पुराण ऐकायला मिळत असते. भाविक भक्त मोठ्या उत्साहात हरिनामाचा गजर मधूर व तालबध आवाजात जोपासत आहेत. हरिनामाच्या गजरात तल्लीन होऊन भजन गातात. आणि रोजच्या रोज नव-नविन प्रसाद आणण्यासाठी भाविकांचा क्रम ठरत असतो. यामुळे काकड आरतीसाठी भाविकांची मोठी गर्दी असते.
काकड आरतीसाठी वसंतराव कुर्वे यांच्या मधूर आवाजात आदिशक्ती शितला माता मंदिराचे अध्यक्ष ईश्वरलाल काबरा, कोषाध्यक्ष धनराज धुर्वे, विजय हाडगे, विलास केजरकर, पुरूषोत्तम वैद्य, इंदिरादेवी काबरा, कल्पना चांदेवार, रामेश्वर येळणे, मोहन अग्रवाल, हिरालाल लांजेवार, क्रिष्णा किरपाने, हिरालाल ब्राम्हणकर, अंकुश हलमारे, पंडित सी.पी. मिश्रा, वामन गोंधुळे, रामविलास सारडा, संजय आयलवार, नागपुरे, माधवी राऊत, रिना नांदेकर, धनराज देशकर, गौरी सक्सेना, उज्वला मानापूरे, सुरेखा फुलझेले, ममता पडोळे, मंगला माकडे, मिना कांबळे, धनराज देशकर, किरण साखरवाडे, रिना डोगरा, संगिता गोसेवाडे, शुभांगी घोगरे, शकुंतला गभणे, रेखा सिंग, स्नेहा, भिष्मा टेंभुर्णे, संजू डहारे, राजेश गभणे, रमेश गोटेफोडे, दिलीप वाघाये, किशोर पेटकर, शेखर जोगडेकर सह शितला माता योगा मंडळातील महिला-पुरूष सदस्य इत्यादी भाविक -भक्त मोठ्या उत्साहात काकड आरतीत सहभागी होत असतात.
विशेष म्हणजे शितला माता मंंदीर येथे साठ वर्षानंतर काकड आरतीला सुरुवात झाली आहे. तसेच काकड आरती व प्रसाद वितरण झाल्यानंतर योग साधक -साधिका नियमित योगा करत असतात.
