आशाताई बच्छाव
नवबौद्ध मुलांच्या शासकीय निवासी शाळेची तक्रार मुख्यमंत्री, समाजकल्याण विभागाचे सचिव यांच्याकडे करणार – आमदार मंगेश चव्हाण
चाळीसगाव प्रतिनिधी विजय पाटील – शहरातील डेराबर्डी जवळ असणाऱ्या नवबौद्ध मुलांच्या शासकीय निवासी शाळेला दी 7 रोजी आमदार मंगेश चव्हाण यांनी अचानक भेट दिली असता अतिशय विदारक चित्र त्याठिकाणी निदर्शनास आले आहे
सदर निवासी शाळेतल्या विद्यार्थ्यांना अक्षरशः आपण गुरांना खाऊ नाही घालत अश्या सडलेल्या, किडलेल्या भाजीपाल्याचे जेवण बनवले जात असल्याचे माझ्या लक्षात आले. कांदा सडलेला, कोबी किडलेली, बिट सडलेले, गिलके पिकलेले, तांदूळ खराब असल्याने यापासून बनवलेले जेवण विद्यार्थ्यांना देणे म्हणजे त्यांच्या जीवाशी एकप्रकारे खेळ आहे. या गंभीर बाबींची तक्रार मुख्यमंत्री महोदय, समाजकल्याण विभागाचे सचिव यांच्याकडे करणार असून यात जे कुणी दोषी असतील त्यांच्यावर कारवाई करण्यात यावी तसेच यापुढे विद्यार्थ्यांना चांगल्या प्रतीचे जेवण, चांगल्या गुणवत्तेचे शिक्षण मिळालेच पाहिजे यासाठी माझा पाठपुरावा सुरू राहील. असे आमदार मंगेश चव्हाण यांनी सांगितले आहे.